“No to ’na here rahi i to te ao i horoa mai ai te Atua i ta ’na Tamaiti otahi ia ore ia mou te taata o te faatupu i te faaroo ia ’na, ia roaa râ te ora mure ore.”—Ioane 3:16

Eaha ta te Atua e rave no te faaite i to ’na here ia oe?

• Salamo 91:2

  O Iehova to tatou parururaa. I teie nei â, e nehenehe oia e tamahanahana mai ia faaruru tatou i te fifi.

• Salamo 37:29

  Ua horoa mai oia i te hoê tiaturiraa faahiahia mau no a muri a‘e.

• Timoteo 1, 6:12, 19

  A muri a‘e, e horoa mai te Atua i te ora mure ore. E itehia te hau, te oaoa e e fana‘o tatou i te ea maitai i roto i te hoê paradaiso nehenehe mau.

“Ia here oe ia Iehova to Atua ma to aau atoa e ma to ora atoa e ma to mana‘o atoa.”—Mataio 22:37

No to te Atua here ia oe, eaha ta oe e hinaaro e rave?

• Luka 17:12-17

  A faaite i to oe mauruuru no te mau mea atoa ta te Atua i rave no oe.

• Mataio 7:16-20

  E faaite i to oe here i te Atua ma te rave i to ’na hinaaro i te mau mahana atoa.

• Ioane 1, 5:3

  A haapao i te mau faaueraa a te Atua.

• Timoteo 1, 6:18

  Ia rahi ta oe ohipa no te hamani maitai ia vetahi ê.

“A tamau . . . i te rave i te mau mea e here ai te Atua ia outou.”—Iuda 21

Eaha te tauturu ia oe ia vai piri noa ia Iehova?

• Tesalonia 1, 5:17

  A pure pinepine i te Atua.

• Mataio 28:19, 20; Timoteo 2, 4:2

  A imi i te mau ravea atoa no te paraparau ia vetahi ê no nia i te Faatereraa arii a te Atua.

• Maseli 2:1-5

  A tamau i te haapii no nia ia Iehova.

• Hebera 10:24, 25

  A haere tamau i te mau putuputuraa. E tauturu atu to oe mau taeae e tuahine Kerisetiano ia piri atu â ia Iehova.