“Ua haere atoa mai te Tamaiti a te taata nei . . . no te horoa i to ’na ora ei hoo no te taata e rave rahi.”—Mataio 20:28

No te aha tatou e hinaaro ai i te hoo?

• Genese 3:17-19

  I to Adamu faaroo-ore-raa i te Atua, ua ere oia i to ’na auhoaraa taa ê e o Iehova, te ora tia roa e to ’na nohoraa, te paradaiso.

• Roma 5:12

  No ta Adamu i rave, ua naeahia tatou i te hara e te pohe.

• Ephesia 1:7

  Te hoo, o ta Iehova ravea no te faaora mai i te taata i te hara e te pohe.

“Ua tono mai te Atua i ta ’na Tamaiti otahi i te ao nei ia noaa ia tatou te ora na roto ia ’na.”—Ioane 1, 4:9

Mea nafea o Iehova i te horoaraa i te hoo?

• Salamo 49:7, 8

  Eita roa te hoê i rotopu ia tatou e nehenehe e aufau i te hoo no te fana‘o faahou i te ora tia roa ta Adamu i ere.

• Luka 1:35

  Ua tono mai o Iehova i ta ’na Tamaiti here i te fenua ia fanauhia oia ei taata tia roa.

• Roma 3:23, 24; Hebera 9:24

  I muri a‘e i to ’na tia-faahou-raa, ua ho‘i Iesu i te ra‘i e i reira, ua pûpû ia Iehova i te hoo, to ’na ora faufaa mau ei taata tia roa.

“E tamǎrô oia i te mau roimata atoa o to ratou mata. E ore roa te pohe.”—Apokalupo 21:4

Eaha te mau maitai ta tatou e fana‘o maoti te hoo?

• Ioane 1, 1:8, 9

  E nehenehe ta tatou mau hara e faaorehia.

• Hebera 9:13, 14

  E nehenehe tatou e fana‘o i te hoê mana‘o haava maitai i mua i te Atua.

• Roma 6:23

  E nehenehe e tiaturi e fana‘o i te ora mure ore.

• Galatia 2:20

  Te haapapu ra te hoo te here mau ra o Iehova e o Iesu ia tatou.

“I horoa mai ai te Atua i ta ’na Tamaiti otahi . . . te taata o te faatupu i te faaroo ia ’na, ia roaa râ te ora mure ore.”—Ioane 3:16

E nafea ia faaite i to tatou mauruuru i te hoo, te ô no ǒ mai i te Atua?

• Ioane 17:3

  A haapii o vai o Iehova e o Iesu e a pee i to raua hi‘oraa.

• Luka 22:19

  A haere i te Oroa haamana‘oraa i te pohe o te Mesia i te mau matahiti atoa.

• Ioane 3:36; Iakobo 2:26

  Eiaha e parau noa te tiaturi ra tatou ia Iesu. E tia atoa râ ia rave i ta ’na i haapii mai ia rave.