“O te pohe te enemi hopea ta ’na e haamou.”—Korinetia 1, 15:26

Eaha te tamahanahanaraa ta te Bibilia e horoa mai ra ia pohe te taata?

• Korinetia 2, 1:3, 4

  E oto tatou ia pohe te hoê mero utuafare aore ra hoa piri. E nehenehe râ te Bibilia e tamahanahana mau ia tatou.

• Isaia 25:8; 26:19

  E mana to Iehova no te haamou roa i te pohe. E faatia atoa mai oia tei pohe i te ora.

“E teie nei tamahine iti, te parau atu nei au ia oe: A tia mai!”—Mareko 5:41

No te aha e nehenehe e tiaturi e tupu te tia-faahou-raa?

• Ioane 11:1-44

  Ua faatia mai Iesu ia Lazaro i te ora.

• Mareko 5:22-24, 35-42

  Ua faatia Iesu i te tahi tamahine i te ora.

• Ioane 11:41, 42

  Ua faatia mai Iesu i tei pohe maoti te puai no ǒ mai ia Iehova.

• Ioane 12:9-11

  E rave rahi tei ite mata ia Iesu ia faatia i tei pohe. Ua farii atoa to ’na mau enemi e mana to ’na no te faatupu i te reira.

“Na oe e tiaoro mai, e na ’u e parau atu ia oe; e oto [aore ra hinaaro] â oe i te ohipa a to rima i rave.”—Ioba 14:13-15

O vai te tia faahou mai?

• Ioane 5:28, 29

  E tia faahou mai te feia atoa ta Iehova e haamana‘o.

• Ohipa 24:15

  E tia faahou mai te feia parau-tia e te parau-tia ore.

• Salamo 147:4, 5

  E nehenehe o Iehova e haamana‘o i te i‘oa o te mau fetia atoa. Mea ohie roa no ’na ia haamana‘o i te mau mea atoa no nia i te feia ta ’na e faatia mai.

“Te haere nei au e faaineine i te tahi vahi no outou.”—Ioane 14:2

O vai te tia faahou mai no te ora i te ra‘i?

• Petero 1, 3:18

  O Iesu te taata matamua tei faatiahia no te ora i te ra‘i.

• Luka 12:32

  Ua parau Iesu hoê pǔpǔ iti ana‘e o ta ’na mau pǐpǐ te faatiahia no te ora i te ra‘i.

• Apokalupo 14:1

  Ua maiti o Iehova 144 000 taata no te ora i te ra‘i.