“Ia tae mai ta oe Faatereraa arii [aore ra to oe Basileia]. Ia tupu to oe hinaaro i te fenua nei, mai i te ra‘i atoa na.”—Mataio 6:9-13

Eaha te Basileia o te Atua?

• Apokalupo 11:15

  E faatere te Basileia o te Atua, aore ra ta ’na Faatereraa arii, i te fenua mai te ra‘i mai.

• Timoteo 1, 6:15

  O Iesu te Arii o te Faatereraa arii a te Atua.

• Apokalupo 14:1, 4

  E 144 000 taata o te faatere e o Iesu mai te ra‘i mai.

• Hebera 4:15; 5:8

  Ua taa ia Iesu e i na 144 000 taata i to tatou huru e te fifi ta tatou e faaruru ra.

“E haava râ oia i te taata rii ma te parau-tia.”—Isaia 11:4

No te aha o Iesu te Arii maitai roa ’‘e?

• Timoteo 1, 6:16

  E pohe te mau taata faatere, area o Iesu eita roa. Mea mure ore te mau maitai atoa ta ’na e faatupu.

• Isaia 11:2-4

  Mea rahi a‘e te maitai ta ’na e rave i ta te tahi atu taata faatere. Noa ’tu e amuihia te mau taata faatere atoa, mea puai a‘e Iesu. E rave noa o ’na te mea tia e mea hamani maitai oia.

“E faatupu ai te Atua o te ra‘i ra i te hoê basileia, o te ore roa ïa e mou.”—Daniela 2:44

Eaha ta te Faatereraa arii i rave a‘ena? Eaha ta ’na e rave a muri a‘e?

• Apokalupo 12:7-12

  I to ’na ariiraa mai i 1914, ua tiahi Iesu ia Satani i te ra‘i e ua huri ia ’na i raro i te fenua nei. No reira i rahi roa ’i te ati, te oto e te mauiui na te ao nei.

• Koheleta 8:9; Apokalupo 16:16

  I Aramagedo, e haamou te Faatereraa arii a te Atua i ta te taata mau faatereraa haavî e te ino mau.

• Salamo 37:10

  E haamouhia te feia o te tamau i te rave i te ohipa ino.

• Apokalupo 22:1-3

  Ia faatere te Faatereraa arii a te Atua i te fenua, eita te taata e ma‘ihia e e pohe. E haamo‘a te taata atoa i te i‘oa o te Atua.