No nia teie tuhaa i te mau Papai Heleni Kerisetiano. Ua fanauhia o Iesu i roto i te hoê utuafare riirii tei ora na i te hoê oire iti. Ua ohipa to ˈna metua tane ei tamuta. O Iesu te faaora i te huitaata. Ua maiti Iehova ia ˈna ei Arii o te Faatereraa arii i te raˈi. E metua anei oe? A tauturu i ta oe tamarii ia taa e nafea Iehova i haapao maitai ai ia Iesu, ia nehenehe oia e paari i roto i te hoê utuafare o te haamori ra i te Atua e e fanaˈo i te hoê huru oraraa au mau. A tapao e nafea Iehova i paruru ai ia Iesu i te rima o Heroda. A tapao atoa e aita hoê aˈe ohipa e nehenehe e tapea i ta Iehova opuaraa. A haapii e nafea Iehova i faatoroa ˈi ia Ioane no te faaineine i te eˈa no Iesu. A haafaufaa e nafea Iesu i faaite ai e mea au mau na ˈna ta Iehova mau aratairaa e aˈoraa noa ˈtu mea apî roa oia.