Omuaraa parau o te tuhaa 5
E piti avaˈe i muri aˈe i tei tupu i te miti Uteute, ua haere to Iseraela i te mouˈa Sinai. I reira Iehova i faatupu ai i te hoê faaauraa e o Iseraela ia riro ratou ei nunaa taa ê no ˈna. Ua paruru oia ia ratou e ua horoa ˈtu i te mau mea atoa e titauhia no te ora maitai: te mâna no te tamaa, te ahu o te ore e mutumutu e te hoê vahi papu. E metua anei oe? A tauturu i ta oe tamarii ia taa e no te aha Iehova i horoa ˈi ia Iseraela i ta ˈna Ture, i te sekene e i te autahuˈaraa. A haapapu atu e mea faufaa ia tapea i ta tatou i euhe, ia faatupu i te haehaa e ia vai taiva ore noa ia Iehova.
I ROTO I TEIE TUHAA
HAAPIIRAA 24
Aita ratou i tapea i ta ratou i euhe
A fanaˈo ai Mose i na Ture Ahuru, ua hara rahi te nunaa.
HAAPIIRAA 25
Te hoê sekene no te haamori ia Iehova
I roto i teie tiahapa taa ê, te vai ra te afata faufaa.
HAAPIIRAA 26
Na taata hiˈo 12
Mea taa ê o Iosua raua Kaleba i te tahi atu na taata hiˈo ahuru tei hiˈo haere i te fenua Kanaana.
HAAPIIRAA 27
Ua orure hau ratou ia Iehova
Aita Kora, Datana, Abirama e te tahi atu na taata e 250 i taa i te tahi mea faufaa no nia ia Iehova.
HAAPIIRAA 28
Ua paraparau te asini a Balaama
Aita Balaama i nehenehe e ite i te melahi, ua nehenehe râ te asini.