Omuaraa parau o te tuhaa 6
I tapae na to Iseraela i te Fenua tǎpǔhia, ua riro te sekene ei pû o te haamoriraa mau. Ua haapii atu te mau tahuˈa i te ture a Mose e ua aratai te mau tavana i te nunaa. I roto i teie tuhaa, e itehia te faahopearaa o te mau faaotiraa e ohipa a te hoê taata i nia ia vetahi ê. E hopoia to te mero taitahi o te nunaa Iseraela i mua ia Iehova e i mua i to ˈna taata tupu. A haapapu i te mau faahopearaa o te mau ohipa a Debora, Naomi, Iosua, Hana, te tamahine a Iepheta, oia atoa o te mau ohipa a Samuela i nia i te tahi atu. A haafaufaa e ua faaoti atoa vetahi mau taata e ere i te Iseraela i te apiti i te nunaa Iseraela. O Rahaba, Ruta, Iaela e to Gibeona ïa. Ua na reira ratou no te mea ua ite ratou e ua turu te Atua i teie nunaa.
I ROTO I TEIE TUHAA
HAAPIIRAA 29
Ua maiti Iehova ia Iosua
Ua horoa te Atua i te mau faaueraa ia Iosua o te tauturu atoa ra ia tatou i teie mahana.
HAAPIIRAA 30
Ua faatapuni Rahaba i na taata hiˈo e piti
Ua parari atura te mau patu o te oire. Tei nia i te patu hoi to Rahaba fare. Aita râ te reira i parari.
HAAPIIRAA 31
Iosua e te feia no Gibeona
Ua pure Iosua i te Atua ma te parau: “Ia mau te mahana!” Ua pahono anei te Atua?
HAAPIIRAA 32
Te hoê aratai apî e e piti vahine itoito
I muri aˈe i to Iosua poheraa, ua haamata to Iseraela i te haamori i te mau idolo. Fifihia te oraraa. Ua fanaˈo râ ratou i te tauturu no ô mai i te tavana Baraka, te peropheta vahine Debora e ia Iaela e ta ˈna tǐtǐ tiahapa!
HAAPIIRAA 33
Ruta raua Naomi
Ua hoˈi na vahine ivi i Iseraela. O Ruta, hoê o na vahine. Ua ohipa oia i roto i te mau faaapu. I reira Boaza i ite ai ia ˈna.
HAAPIIRAA 34
Ua upootia Gideona i nia i to Midiana
I muri aˈe i to Midiana haafifiraa i to ratou oraraa, ua taparu to Iseraela i te tauturu a Iehova. E nafea te nuu iti a Gideona i upootia ˈi i nia i na faehau enemi e 135 000?
HAAPIIRAA 35
Ua ani Hana ia Iehova i te hoê tamaiti
Ua aratai Elikana ia Hana, Penina e to ˈna utuafare i te sekene i Silo no te haamori atu i te Atua. I ǒ, ua ani Hana ia Iehova i te hoê tamaiti. Hoê matahiti i muri iho, ua fanau oia ia Samuela!
HAAPIIRAA 36
Ta Iepheta i euhe
Eaha ta Iepheta i euhe e no te aha? Eaha te huru o ta Iepheta tamahine a ite ai oia i te euhe a to ˈna metua tane?
HAAPIIRAA 37
Ua paraparau Iehova ia Samuela
Ua ohipa na tamaiti a Eli te tahuˈa rahi ei tahuˈa i te sekene. Aita râ raua i faaroo i te mau ture a te Atua. Mea taa ê râ te tamaroa Samuela e ua paraparau Iehova ia ˈna.
HAAPIIRAA 38
Maoti Iehova i puai mai ai Samasona
Maoti Iehova i puai mai ai Samasona no te aro i to Philiseti. Ua rave râ oia i te hoê faaotiraa ino e ua haru to Philiseti ia ˈna.
