A HAAMATA I TE HOÊ APARAURAA
HAAPIIRAA 4
Te haehaa
Faaueraa tumu: “Ma te haehaa . . . a haamanaˈo e mea hau aˈe vetahi ê ia outou.”—Phil. 2:3.
Eaha ta Paulo i rave?
1. A hiˈo i te VIDEO aore ra a taio i te Ohipa 26:2, 3. E a aparau i teie mau uiraa:
-
Mea nafea Paulo i te faaiteraa i te haehaa a paraparau ai o ˈna i te arii Ageripa?
-
Mea nafea Paulo i te faahanahanaraa ia Iehova e i te mau Papai ia ˈna iho?—A hiˈo i te Ohipa 26:22.
Eaha te haapii mai i to Paulo hiˈoraa?
2. E faufaahia ta tatou poroi ia faataa tatou i te reira ma te haehaa e te faatura.
A pee i to Paulo hiˈoraa
3. A paraparau ma te faatura. Eiaha e faahaehaa i te tahi atu ma te faaite mea ite aˈe oe ia ratou, a faatura râ.
4. A faaohipa i te Bibilia no te faataa i te parau mau. E haaputapû te poroi a te Bibilia i te aau o te taata. Ia faaohipa tatou i te reira, e niu papu ïa no to ratou faaroo.
5. A faaite i te mǎrû. Eiaha e mârô no nia i te tahi tumu parau. Eita tatou e hinaaro e tatamaˈi. Ma te mǎrû, e faaite tatou i te haehaa e e haere tatou. (Mas. 17:14; Tito 3:2) Ia na reira tatou, peneiaˈe e farii mai te taata ia tatou i te tahi atu taime.
