A HOˈI E FAREREI
HAAPIIRAA 7
Te faaoromai tamau
Faaueraa tumu: “Ua tamau noa ratou i te haapii i te taata e i te poro i te parau apî oaoa.”—Ohi. 5:42.
Eaha ta Paulo i rave?
1. A hiˈo i te VIDEO aore ra a taio i te Ohipa 19:8-10. E a aparau i teie mau uiraa:
Eaha te haapii mai i to Paulo hiˈoraa?
2. E titauhia te mau tutavaraa no te farerei-faahou-raa e no te haamata i te haapiiraa Bibilia.
A pee i to Paulo hiˈoraa
3. A farerei i te taata i te taime e tano no ˈna. A ui ia oe iho: ‘Eaha te taime mea vata aˈe o ˈna? Afea e ihea e farerei e e paraparau ai ia ˈna?’ Ia ineine oe i te farerei ia ˈna i te taime tano no ˈna.
4. A faaau i te tahi atu taime. Ia hope te aparauraa, a ani ia ˈna i te taime tano no ˈna ia hoˈi faahou mai oe. A faatura ïa i ta oe i faaau ia ˈna.
5. A tiaturi papu. Eiaha oe e manaˈo e aita te hoê taata e anaanatae ra no te mea mea varavara o ˈna i te fare aore ra mea ohipa roa o ˈna. (Kor. 1, 13:4, 7) E faaoromai tamau râ oe i te hoˈi e hiˈo i tera taata ma te faaohipa maitai râ i to oe taime.—Kor. 1, 9:26.