Te turai ra Satani i te taata ia rave i te mau mea ino. E tia i te hoê taata e hinaaro ra e riro ei hoa no te Atua ia riri i ta Iehova e riri ra. (Salamo 97:10) Teie te tahi mau mea ta te mau hoa o te Atua e ape:

Te mau hara i te pae o te taotoraa. “Eiaha roa oe e faaturi.” (Exodo 20:14) E mea ino atoa te taotoraa i te hoê taata hou te faaipoiporaa.—Korinetia 1, 6:18.

Te taero ava. “Te inu ava, . . . eita roa ˈtu ïa e fatu i te Faatereraa arii a te Atua.”—Korinetia 1, 6:10.

Te taparahiraa taata, te haamaruaraa tamarii. “Eiaha roa oe e taparahi . . . i te taata.”—Exodo 20:13.

Te eiâraa. “Eiaha roa oe e eiâ.”—Exodo 20:15.

Te haavare. Mea riri roa na Iehova i “te arero haavare.”—Maseli 6:17.

 Te haavîraa uˈana e te riri vî ore. “Te rave parau ino ra, ua riri roa [Iehova] ia ˈna.” (Salamo 11:5) “Ta te tino hara e faatupu, oia ïa . . . te iria.”—Galatia 5:19, 20.

Te pere moni. “Ia faaea i te amuimui atu i te taata tei parauhia . . . taata nounou.”—Korinetia 1, 5:11.

Te riri-uˈana-raa i te nunaa taata e te opu taata ěê. “A here noa i to outou mau enemi e a pure noa no tei hamani ino ia outou.”—Mataio 5:43, 44.

No to tatou hoi maitai te mau mea ta te Atua e parau mai ra. E ere noa i te mea ohie te aperaa i te rave i te mau mea iino. Ma te tauturu a Iehova e ma te tauturu a to ˈna mau Ite, e nehenehe oe e ape i te rave i te mau mea ta te Atua e ore e au.—Isaia 48:17; Philipi 4:13; Hebera 10:24, 25.