HAAPIIRAA 19
O te mau Ite no Iehova anei te mau Kerisetiano mau?
Ei Ite no Iehova, te tiaturi nei matou e e Kerisetiano mau matou. Na te aha e haapapu i te reira? No ta matou tiaturiraa, no te iˈoa ta matou e amo ra e no te here ta matou e faaite ra te tahi i te tahi.
1. Te niu ra te mau Ite no Iehova i ta ratou mau tiaturiraa i nia i te aha?
Ua parau Iesu: “E parau mau ta [te Atua] parau.” (Ioane 17:17) Mai ia Iesu, ua niu noa te mau Ite no Iehova i ta ratou tiaturiraa i nia i te parau a te Atua. A hiˈo na i te aamu o te mau Ite no Iehova o tei matauhia i te pii te Feia haapii Bibilia. I te pae hopea o te senekele 19, ua haamata te hoê pǔpǔ Feia haapii Bibilia i te hiˈopoa maite i te Bibilia. Ua niu ratou i ta ratou tiaturiraa i nia i ta ratou i parau noa ˈtu mea taa ê ta ratou tiaturiraa e ta te mau haapaoraa e haapii ra. I muri iho, ua haamata ratou i te faaite i te pue parau mau Bibilia ia vetahi ê. a
2. No te aha i piihia ˈi matou Ite no Iehova?
Ua pii Iehova i ta ˈna mau tavini ei Ite, no te mea te faaite ra ratou i te parau mau no nia ia ˈna. (Hebera 11:4–12:1) Ei hiˈoraa, i tahito ra, ua parau te Atua no to ˈna nunaa: “O outou to ˈu mau ite.” (A taio i te Isaia 43:10.) Ua pii-atoa-hia Iesu “te Ite haapao maitai.” (Apokalupo 1:5) No reira, mai te matahiti 1931 ua maiti matou i te iˈoa Ite no Iehova e ua oaoa roa matou i te amo i tera iˈoa.
3. E nafea te mau Ite no Iehova e pee ai i to Iesu here?
No to Iesu here i ta ˈna mau pǐpǐ, i faariro ai oia ia ratou ei fetii no ˈna. (A taio i te Mareko 3:35.) I teie atoa mahana, mea hoê te mau Ite no Iehova na te ao nei. No reira matou e pii ai te tahi i te tahi, taeae e tuahine. (Philemona 1, 2) Te pee atoa ra matou i teie faaueraa: “A here i te fetii taeae taatoa.” (Petero 1, 2:17) Te faaite nei te mau Ite no Iehova i teie here ma te tauturu i to matou mau taeae e tuahine na te ao atoa nei.
A FAAHOHONU ATU Â
A haapii hau atu â no nia i te mau Ite no Iehova e a hiˈo i te tahi mau haapapuraa e e Kerisetiano mau matou.
Te niu ra te mau Kerisetiano mau i ta ratou mau tiaturiraa i nia i te Bibilia e te faaite ra ratou i te reira ia vetahi ê
4. Ua niu matou i ta matou tiaturiraa i nia i te Bibilia
Ua fafau Iehova e maramarama atu â to matou ite i te pue parau mau Bibilia. A taio i te Daniela 12:4, e a aparau i teie uiraa:
-
Eaha “te haere . . . i te rahiraa” i rotopu i te nunaa o te Atua a tamau noa ˈi ratou i te hiˈopoa maite i te Bibilia?
A hiˈo mea nafea te hoê pǔpǔ Feia haapii Bibilia, o Charles Russell atoa to roto, i te haapiiraa i te parau a te Atua. A pata i te VIDEO, e a aparau i te uiraa i muri nei.
-
I roto i te video, mea nafea Charles Russell e te tahi o te mau piahi Bibilia ta ˈna i matau i te haapiiraa i te Bibilia?
Ua ite anei oe?
I te tahi mau taime, ua faatano matou i te tahi o ta matou mau tiaturiraa. No te aha? Mai te mahana e hiti ra e faaite riirii ra i te hohoˈa o te natura, e horoa riirii atoa mai te Atua te maramarama o ta ˈna parau te Bibilia. (A taio i te Maseli 4:18.) I te mea hoi e aita te Bibilia e taui, e faatano ïa matou i ta matou mau tiaturiraa i ta matou e maramarama ra i roto i te Bibilia.
5. Te ora nei matou ia au i te iˈoa o ta matou e amo ra
No te aha matou i maiti ai i te iˈoa Ite no Iehova? A pata i te VIDEO, e a aparau i te uiraa i muri nei.
-
No te aha ua tano iho â te iˈoa Ite no Iehova?
No te aha Iehova i maiti ai i te hoê nunaa ei Ite no ˈna? No te mea o ratou te faaite ra e o ˈna te Atua mau, e rave rahi hoi haavare e faatiahia ra no nia ia ˈna. E hiˈo anaˈe e piti o tera mau haavare.
Te haapii nei te tahi mau haapaoraa i to ratou mau taata e e farii te Atua i te mau idolo i roto i ta ratou haamoriraa. Tera râ, a taio i te Levitiko 26:1, e a aparau i teie mau uiraa:
-
Eaha te parau mau? Eaha to Iehova manaˈo i te mau idolo?
Te haapii nei te tahi mau haapaoraa e o Iesu te Atua. Tera râ, a taio i te Ioane 20:17, e a aparau i teie mau uiraa:
-
Eaha te parau mau? O Iesu anei te Atua?
-
Eaha to oe huru ia ite oe e ua tono Iehova i ta ˈna mau Ite no te faaite i te parau mau no nia ia ˈna e no nia i ta ˈna Tamaiti?
6. E here tatou te tahi i te tahi
Te faaau ra te Bibilia i te mau Kerisetiano i te mau tuhaa o te tino. A taio i te Korinetia 1, 12:25, 26, e a aparau i teie mau uiraa:
-
Eaha te huru o te mau Kerisetiano mau ia roohia te tahi atu Kerisetiano i te ati?
-
Eaha ta oe i ite i nia i te here i rotopu i te mau Ite no Iehova?
Ia roohia te mau Ite no Iehova i te ati i te tahi atu vahi o te fenua, e ohipa oioi te tahi atu mau Ite no Iehova na te ao nei no te tauturu atu. No te ite hoê o na hiˈoraa, a pata i te VIDEO. E a aparau i te uiraa i muri nei.
-
E nafea te mau tutavaraa ta te mau Ite no Iehova i rave no te tauturu e itehia ˈi te here?
Te faaite ra te mau Kerisetiano mau i te here i te feia o te hinaaro ra i te tauturu
TE MANAˈO O VETAHI: “E haapaoraa apî noa hoi te mau Ite no Iehova.”
-
I nafea ra to Iehova piiraa i ta ˈna mau tavini to ˈna mau Ite?
HAAPOTORAA
E Kerisetiano mau te mau Ite no Iehova. E fetii taeae hoê matou o tei niu i ta matou mau tiaturiraa i nia i te Bibilia e o tei faaite i te parau mau no nia ia Iehova.
Haamanaˈoraa
-
No te aha matou i maiti ai i te iˈoa Ite no Iehova?
-
Eaha to matou huru i nia te tahi i te tahi?
-
No oe, e Kerisetiano mau anei te mau Ite no Iehova?
HIˈOPOA
A haapii hau atu â no nia i to matou aamu.
Te mau Ite no Iehova: Faaite i te faaroo (Tuhaa 1): Faatiamâhia mai i te poiri (1:00:53)
A hiˈo mea nafea te mau Ite no Iehova i te faaiteraa i te haapiiraa hape.
A ite i te mau pahonoraa no ta oe mau uiraa no nia i te mau Ite no Iehova.
“Uiraa a te taata no nia i te mau Ite no Iehova” (api natirara)
No to Stephen hae i te taata no te tahi atu nunaa i taparahi ai oia ia ratou. A hiˈo eaha ta ˈna i ite i rotopu i te mau Ite no Iehova o tei turai ia ˈna ia taui.
“Ua haere ino noa ˈtura to ˈu oraraa” (Tumu parau o Te Pare Tiairaa)
a Mai te matahiti 1879, ua pia te nunaa o Iehova, Te Pare Tiairaa o te faataa ra i ta te Bibilia e parau ra.
E au atoa outou . . .
UIRAA A TE TAATA
Eaha te ravehia i te hoê haapiiraa Bibilia pûpûhia na te mau Ite no Iehova?
Maoti teie aparauraa Bibilia tamoni ore pûpûhia na te mau Ite no Iehova, nehenehe outou e faaohipa i ta outou iho Bibilia. A titau atoa mai i to outou utuafare aore ra hoa.
