A tapea i te hoê feruriraa maitai. A haamanaˈo e te hinaaro ra te mau taeae e tuahine e faaoaoa ia Iehova. Noa ˈtu e titauhia ia horoa i te aˈoraa, eiaha e haamoˈe i te haapopou atu na mua.

Eiaha e faaea noa i nia i te mau parau o te faatoaruaru. E nehenehe e faahiti i te tahi fifi no te tahi tumu taa maitai. Ia rahi aˈe râ te parau o te faaitoito i roto i ta oe tumu parau.

A faaohipa maitai i te Parau a te Atua. A faaite i ta Iehova i rave no te huitaata i tahito, i teie nei e a muri aˈe. A faaitoito ia vetahi ê e a haapuai i to ratou faaroo.