A feruri eaha te tumu oe e taio ai i te irava. Ia tauturu ta oe taioraa i te taata ia taa eaha te manaˈo faufaa ta oe e hinaaro ra e haamatara i roto i te irava.

A haafaufaa i te Bibilia. A paraparau ai oe i te feia e tiaturi ra i te Atua, a huti i to ratou ara-maite-raa i nia i te Parau a te Atua. Tei roto hoi i te Bibilia te mau parau paari roa ˈˈe.

A faaite i te faufaaraa o te irava. E pahono tera irava i te hoê uiraa, e faaite paha i te ravea o te tahi fifi, aore ra e haamatara i te hoê faaueraa tumu.