TUHAA 8
E nafea i mua i te ati?
“No reira outou i ouˈauˈa ai i te oaoa, ati noa ā outou i te pohe huru rau i te tau poto e toe nei.”—Petero 1, 1:6, Te Faufaa Api
Noa ˈtu ta oe mau tutavaraa ia oaoa to oe hoa faaipoipo e to utuafare, e nehenehe oe e oto no te tupuraa manaˈo-ore-hia. (Koheleta 9:11, 12) Te horoa maira to tatou Atua î i te here i te mau aratairaa Bibilia e tauturu mai ia faaruru i te fifi. Ia haapao oe i te reira, e nehenehe oe e to utuafare e faaoromai noa ˈtu eaha te ati.
1 A TIATURI IA IEHOVA
TA TE BIBILIA E PARAU RA: “E huri i to outou ahoaho atoa i nia ia ˈna; oia hoi te tiai mai ia outou.” (Petero 1, 5:7) A haamanaˈo noa e e ere te Atua te tumu o to oe mau ati. (Ioba 34:10) Tei ia ˈna te tauturu maitai roa ˈˈe, a haafatata noa ïa ia ˈna. (Isaia 41:10) “E ninii hua i to outou aau i mua ia ˈna.”—Salamo 62:8.
E tamahanahana-atoa-hia oe i te taio e te haapii i te Bibilia i te mau mahana atoa. E ite ïa oe e nafea Iehova e ‘tamahanahana mai ai i to tatou mau pohe atoa nei.’ (Korinetia 2, 1:3, 4; Roma 15:4) Te fafau ra oia i te horoa ˈtu i ‘te hau o te Atua, o tei hau ê atu i te ite taata nei.’—Philipi 4:6, 7, 13.
TA OE E NEHENEHE E RAVE:
-
A pure ia tauturu Iehova ia oe ia vai hau noa e ia tapea i te manaˈo maitai
-
A feruri eaha te rave e a maiti i te faaotiraa maitai no oe
2 A HAAPAO I TO OE MAU HINAARO E TO TO OE UTUAFARE
TA TE BIBILIA E PARAU RA: “Te noaa ra i te aau o te taata haapao ra te ite; e te faaroo ra te tariˈa o te taata paari i te ite ia noaa.” (Maseli 18:15) A feruri i te taatoaraa o te tupuraa e i te hinaaro o te mau melo atoa o to utuafare. A paraparau e a faaroo ia ratou.—Maseli 20:5.
E ia pohe tei herehia, e nafea ïa? Eiaha e taiâ i te faaite i to oe mauiui. A haamanaˈo e ua ‘oto atoa Iesu.’ (Ioane 11:35; Koheleta 3:4) A faataa i te taime no te tamǎrû ia oe e no te taoto maitai. (Koheleta 4:6) Mea ohie aˈe ïa ia faaoromai i te tupuraa hepohepo mau.
TA OE E NEHENEHE E RAVE:
-
Ia matau noa oe i te tauaparau e te mau melo o to utuafare. Ia tupu te fifi, eita ratou e taiâ i te paraparau ia oe
-
A farerei i te feia i faaruru i te hoê â tupuraa
3 A FARII IA TAUTURUHIA OE
TA TE BIBILIA E PARAU RA: “E aroha mai â te taua i te mau mahana atoa ra, i fanau mai râ te taeae no te anotau e ati ai ra.” (Maseli 17:17) E hinaaro to mau hoa e tauturu ia oe, aita râ paha i ite eaha te rave. A faaite atu ïa i to oe mau hinaaro. (Maseli 12:25) A farerei atoa i te feia i ite maitai i te manaˈo o te Bibilia. E nehenehe ta ratou aratairaa e tauturu ia oe.—Iakobo 5:14.
E noaa mai te faaitoitoraa ia tamau oe i te amui e te feia e tiaturi mau ra i te Atua e i ta ˈna mau parau fafau. E itoito-atoa-hia oe a tauturu ai i tei paruparu. A faaite atu i to oe tiaturi ia Iehova e i ta ˈna mau parau fafau. A tamau i te tauturu ia vetahi ê e eiaha e faataa ê ia oe i te feia e here atura e tei haapeapea ra no oe.—Maseli 18:1; Korinetia 1, 15:58.
TA OE E NEHENEHE E RAVE:
-
A paraparau i to oe hoa piri roa e a farii i ta ˈna tauturu
-
A faaite i ta oe e hinaaro mau ra
E au atoa outou . . .
A ARA MAI NA!
E uiraa ta to tamarii no nia i te pohe
Maha manaˈo e tauturu atu ia pahono i ta ˈna mau uiraa e ia faaoromai ia pohe tei herehia.
A ARA MAI NA!
Ia tupu te ati: Ia pohe tei herehia
Pae melo o te utuafare o Ronaldo tei pohe i roto i te tahi ati purumu a 16 matahiti a‘enei. Noa ’tu e te mihi noa ra oia ia ratou, ua ite oia i te hau.
