I roto i te rata ta ’na i papai ia Tito, ua parau te aposetolo Paulo e e titauhia i te mau taata apî, oia atoa ia Tito, ia tutava i te “faaite atu i te hi‘oraa i roto i te mau ohipa maitai roa atoa.” (Tit 2:6, 7) I roto atoa i teie pene, ua faaite Paulo e ua tamâhia to Iehova nunaa ia nehenehe ratou e faaite i “te itoito rahi i roto i te mau ohipa maitai roa.” (Tit 2:14) Hoê o teie mau ohipa maitai roa, o te ohipa pororaa e haapiiraa ïa no nia i te Faatereraa arii a te Atua. Peneia‘e e taata apî oe, e nehenehe anei oe e faaohipa i to oe puai no te tavini ei pionie tauturu aore ra ei pionie tamau?—Mas 20:29.

Mai te peu e te hinaaro ra oe e riro ei pionie, a haamau i te hoê porotarama tano no te raea i tera fa. (Lu 14:28-30) Ei hi‘oraa, nafea oe ia aufau i te mau haamâu‘araa a rave ai oe i te taviniraa ma te taime taatoa? Nafea e roaa ’i ia oe te mau hora faataahia no te tavini ei pionie? A pure ia Iehova. (Sal 37:5) A paraparau e to oe na metua no nia i ta oe fa. E nehenehe atoa oe e paraparau e te mau hoa Kerisetiano tei rave maitai i ta ratou taviniraa pionie. I muri iho, a haa no te raea i ta oe fa. Papu maitai e haamaitai ai Iehova i ta oe mau tutavaraa no te tavini ia ’na ma te itoito rahi!

A MATAITAI NA I TE VIDEO TE FEIA APÎ O TE FAAHANAHANA RA IA IEHOVA E I MURI IHO, A PAHONO NA I TO MURI NEI MAU UIRAA:

• Eaha te mau fifi ta vetahi ê i faaruru no te riro ei pionie, e nafea ratou i haapauma ’i i te reira?

• Nafea te mau metua e nehenehe ai e tauturu i ta ratou tamarii ia riro ei pionie tamau?

• No te aha mea faufaa roa ’i ia haamau i te hoê porotarama no te pororaa?

• Nafea te mau mero o te amuiraa e nehenehe ai e faaitoito e e tauturu i te hoê pionie?

• Eaha te mau haamaitairaa fana‘ohia e te mau pionie?