Mea ru ta tatou ohipa pororaa, ua piri roa mai te ati rahi. (Mas 24:11, 12, 20) No te tauturu i te taata, e nehenehe tatou e faaohipa i te mau tareta no te huti i to ratou ara-maite-raa i nia i te Bibilia e ta tatou reni Internet. Te vai ra te hoê hoho‘a iti e aratai ra i te video No te aha e haapii ai i te Bibilia? e i te tuhaa aniraa i te haapiiraa Bibilia aore ra hau atu â haamaramaramaraa. Eita vetahi e rave i ta tatou mau papai. E farii râ ratou e haere i nia i ta tatou reni jw.org. A horoa ’tu ïa i te tareta. Eiaha râ e horoa ’tu na te feia aita e anaanatae ra.

I te mau taime atoa, e nehenehe tatou e faatupu i te anaanatae o te taata ma te parau atu: “Hinaaro vau e horoa ’tu i te tahi tareta na oe. E aratai teie tareta i nia i te hoê reni Internet e te vai ra te mau haamaramaramaraa e video tamoni ore no nia e rave rau tumu parau.” (Ioa 4:7) I te mea hoi e mea nainai te mau tareta, e nehenehe oe e tapea noa te tahi no te opere i te mau taime atoa.