Eaha te mau huru maitatai ta oe e imi ra a maiti ai i te hoê hoa? Te haafaufaa ra paha oe i te taiva ore, te maitai e te aau horoa noa. Te faaite ra Iehova i tera mau huru maitatai atoa. (Ex 34:6; Ohi 14:17) Te faaroo ra o ’na ia pure oe ia ’na. Te tauturu ra oia ia oe i te mau taime atoa e hinaaro ai oe i te reira. (Sl 18:19, 35) Te faaore ra oia i ta oe mau hara. (Io1 1:9) E hoa faahiahia roa o Iehova, e ere anei?

E oe, e nafea oe e riro ai ei hoa no Iehova? A haapii no nia ia ’na ma te taio i ta ’Na Parau. A faaite ia ’na i to oe mau huru aau. (Sl 62:8; 142:2) A faaite ia Iehova e mea faufaa atoa no oe te mau mea ta ’na e haafaufaa ra, mai ta ’na Tamaiti, ta ’na Faatereraa arii e ta ’na mau parau fafau no a muri a‘e. A paraparau ia vetahi ê no nia ia ’na. (De 32:3) Ia faatupu oe i te auhoaraa piri e o Iehova, e riro oia ei Hoa no oe e a muri noa ’tu.—Sl 73:25, 26, 28.

A MATAITAI NA I TE VIDEO E TE FEIA APÎ E, “A TAMATA NA IA ITE I TE MAITAI O IEHOVA” E A PAHONO NA I TO MURI NEI MAU UIRAA:

• E nafea ia faaineine ia oe no te pûpûraa ia oe iho e no te bapetizoraa?

• E nafea te mau mero o te amuiraa e nehenehe ai e tauturu ia oe ia tavini ia Iehova?

• E nafea te pororaa e haapuai ai i to oe auhoaraa e o Iehova?

• Eaha te mau hopoia i roto i te taviniraa a Iehova ta oe e nehenehe e amo?

• Eaha ta oe e au roa no nia ia Iehova?