Ua arue Paulo raua Sila i te Atua i te fare tapearaa. (Ohi 16:25) I te mau matahiti i mairi, ua himene to tatou mau hoa Kerisetiano i te mau himene o te Basileia i to ratou tapearaahia i te aua haavîraa Nazi o Sachsenhausen i Heremani e i to ratou afai-tîtî-raahia i Sibérie. E faaite teie mau hi‘oraa i te puai o te mau himene no te faaitoito i te mau Kerisetiano o te faaruru ra i te mau tamataraa.

Fatata te buka Himene ma te oaoa ia Iehova i te matara mai na roto i te tahi atu mau reo. Ia noaa mai ta tatou, e nehenehe ïa tatou e tamau aau i te mau himene ma te haapii i te reira i te haamoriraa utuafare. (Eph 5:19) E tauturu mai te varua mo‘a ia haamana‘o i te reira ia tupu te mau tamataraa. E nehenehe te mau himene o te Basileia e tauturu mai ia tamau noa to tatou feruriraa i nia i te tiaturiraa. Tei roto ana‘e tatou i te mau tamataraa, e nehenehe teie mau himene e faaitoito mai. I roto atoa i te mau taime oaoa, e turai te mau parau faaitoito o te mau himene ia arue ia Iehova ma te aau oaoa. (Pa1 15:16; Sal 33:1-3) E faaohipa maitai ana‘e i ta tatou mau himene o te Basileia!

A MATAITAI I TE VIDEO HIMENE TEI FAAITOITO I TEI RAVE I TE OHIPA, E A PAHONO I TEIE MAU UIRAA:

• Eaha te tupuraa tei turai ia taeae Frost ia papai i te hoê himene?

• Mea nafea te himene i te tautururaa i te mau taeae i te aua haavîraa o Sachsenhausen?

• I roto i teihea mau tupuraa o te mau mahana atoa e nehenehe ai te mau himene o te Basileia e haapuai ia oe?

• Eaha te mau himene o te Basileia ta oe e hinaaro e tamau aau?