ORARAA KERISETIANO
Mea faufaa ia poro e ia haapii atu no te faariro i te taata ei pǐpǐ
Ua faaue Iesu i ta ’na mau pǐpǐ ia haere e faariro i te taata ei pǐpǐ. (Mt 28:19) E titau ïa te reira ia poro e ia haapii atu i te taata. I te tahi mau taime, e mea maitai ia ui tatou pauroa: “E nafea vau e aravihi atu â ’i i roto i teie mau tuhaa faufaa o te faariroraa i te taata ei pǐpǐ?”
PORORAA
Eiaha e tiai ia haere mai te taata ia tatou ra. Ma te itoito rahi râ, a imi i te “feia e farii” ia tatou. (Mt 10:11) Ia poro tatou, te imi anei ra tatou i te mau ravea atoa no te aparau e ‘te mau taata ta tatou e farerei’? (Ohi 17:17) Ua riro o Ludia ei pǐpǐ no te mea ua poro te aposetolo Paulo ma te itoito rahi.—Ohi 16:13-15.
“Ei te poipoi a ueue ai i ta oe huero, e ei te ahiahi eiaha e parahi noa” (Koh 11:6)
A MATAITAI NA I TE VIDEO “A TAMAU NOA” I TE PORO: MA TE FAANAHO-ORE-HIA E NA TERA E TERA FARE E A PAHONO NA I TO MURI NEI MAU UIRAA:
-
E nafea Samuel i faaite ai e ua imi oia i te ravea no te tanu i te mau huero o te parau mau i te mau mahana atoa ma te itoito rahi?
-
No te aha e mea tia ia faaitoito tatou i roto i te mau tuhaa atoa o te pororaa?
-
I te ohipa o te mau mahana atoa, e faaite paha outou i te poroi a te Faatereraa arii ia vai ra?
HAAPIIRAA IA VETAHI Ê
No te faariro i te taata ei pǐpǐ, eita e navai noa ia vaiiho i te hoê papai i te taata. No te tauturu ia ratou ia haere i mua i te pae varua, e titauhia ia ho‘i faahou e farerei ia ratou e ia faatere i te mau haapiiraa Bibilia. (Ko1 3:6-9) Tera râ, eaha te rave mai te peu eita ta tatou mau tutavaraa rahi no te haapii atu i te parau mau no nia i te Faatereraa arii e manuïa? (Mt 13:19-22) E tamau ana‘e i te imi i te mau aau mai “te repo maitai” ra te huru.—Mt 13:23; Ohi 13:48.
“Ua tanu vau, ua pîpî Apolo i te pape. Na te Atua râ i tamau i te faatupu” (Ko1 3:6)
A MATAITAI NA I TE VIDEO “A TAMAU NOA” I TE PORO: I TE VAHI TAATA E MA TE FAARIRO I TE TAATA EI PǏPǏ E A PAHONO NA I TO MURI NEI MAU UIRAA:
-
Eaha ta Siméon raua Marie i rave no te pîpî i te mau huero o te parau mau i roto i te aau o Ezekiel raua Abigail?
-
Eaha ta tatou fa i roto i te mau tuhaa atoa o te taviniraa, oia atoa te pororaa i te vahi taata?
-
E nafea tatou e haafaufaa atu â ’i i te haapiiraa i te parau mau ia vetahi ê?
