Mai teie matahiti, e taime atu â to tatou no te faaineine atu no te Oroa haamana‘oraa i te pohe o te Mesia. Mai te peu e e tupu te Oroa haamana‘oraa i te hoê mahana o te hebedoma, aita ïa e putuputuraa Oraraa e taviniraa Kerisetiano i taua hebedoma ra. Mai te peu e e tupu te Oroa haamana‘oraa i te hopea hebedoma, aita ïa e oreroraa parau no te taata atoa e e Haapiiraa o Te Pare Tiairaa. E faaohipa maitai anei oe i tera taime vata? Mai tei ravehia i te senekele matamua, e mea titauhia ia rave i te mau faanahoraa papu no tera tupuraa taa ê. (Lu 22:7-13; km 3/15 1) E titauhia ia tatou pauroa ia faaineine i to tatou aau. Nafea ïa?

• A feruri i te faufaaraa ia haere i tera tupuraa taa ê.—Ko1 11:23-26

• A feruri na roto i te pure i to oe auhoaraa e o Iehova.—Ko1 11:27-29; Ko2 13:5

• A taio e a feruri maite i nia i te mau tumu parau Bibilia no nia i te auraa o te Oroa haamana‘oraa.—Ioa 3:16; 15:13

E taio e e feruriruri te tahi mau taata poro i nia i te taioraa Bibilia faataahia no te tau o te Oroa haamana‘oraa. E itehia te reira i roto i te buka iti E hi‘opoa ana‘e i te mau Papai i te mahana hoê. E taio te tahi atu i te mau irava Bibilia itehia i roto i te tapura tarenihia. E hi‘opoa faahou vetahi i te mau tumu parau o Te Pare Tiairaa no nia i te Oroa haamana‘oraa e no nia i te here ta Iehova raua Iesu i faaite ia tatou. Noa ’tu eaha te ravea ta oe e maiti, ia tauturu te reira ia oe ia piri atu â ia Iehova e i ta ’na tamaiti.