Te faaite ra te mau mea i poietehia i to Iehova hanahana. (Sal 19:1-4; 139:14) Te haaparare nei râ te ao a Satani i te mau haapiiraa no nia i te tumu o te ora, o te ore roa ’tu e faahanahana i te Atua. (Ro 1:18-25) E nafea oe e nehenehe ai e tinai i teie mau haapiiraa, ia ore te reira ia a‘a roa i roto i te aau e te feruriraa a to tamarii? A tauturu ia ratou mai to ratou tamariirii-roa-raa ia tiaturi e te vai mau ra o Iehova e te tâu‘a mau ra oia ia ratou tataitahi. (Ko2 10:4, 5; Eph 6:16) A imi eaha to ratou mana‘o no nia i ta ratou e haapii ra i te fare haapiiraa e a faaohipa i te mau ravea e vai ra ia putapû to ratou aau.—Mas 20:5; Iak 1:19.

A MATAITAI I TE VIDEO TO RATOU MANA‘O: TE TIATURIRAA I TE HOÊ ATUA E A PAHONO I TEIE MAU UIRAA:

• Eaha te faaroo-pinepine-hia no nia i te tiaturiraa i te Atua?

• Eaha te haapiihia i te fare haapiiraa?

• Na te aha e haapapu ra ia oe e te vai mau ra o Iehova?

• E nafea oe e tauturu ai i te tahi atu ia papu e ua poiete te Atua i te mau mea atoa?