Ehia matahiti i teie nei to oe tiai-noa-raa ia tae mai te Faatereraa arii a te Atua? Te tiai ra anei oe ma te faaoromai noa ’tu te mau fifi? (Ro 8:25) Te faaruru ra vetahi Kerisetiano i te feii, te hamani-ino-raa, te fare tapearaa, oia atoa te haamǎta‘uraa ia haapohehia ratou. Te faaruru ra te tahi atu i te mau ati mai te hoê ma‘i tamau aore ra te faahopearaa o te ruhiruhiaraa.

Eaha te tauturu ia oe ia tiai ru noa ’tu teie mau ati? E mea tia ia haapuai tamau i to tatou faaroo ma te taio i te Bibilia i te mau mahana atoa e ma te feruriruri i nia i te reira. E mea tia ia tiatonu noa i ta tatou tiaturiraa. (Ko2 4:16-18; Heb 12:2) E mea tia ia taparu ia Iehova i to ’na varua mo‘a na roto i te pure. (Lu 11:10, 13; Heb 5:7) E nehenehe to tatou Metua î i te here e tauturu mai “ia faaruru maite na roto i te faaoromai e te oaoa.”—Kol 1:11.

A MATAITAI NA I TE VIDEO “E HORO ANA‘E MA TE FAAOROMAI TAMAU”: IA PAPU IA OUTOU E ROAA IA OUTOU TE RE E A PAHONO NA I TO MURI NEI MAU UIRAA:

• Eaha te mau ohipa mana‘o-ore-hia te nehenehe e tupu i roto i to tatou oraraa? (Koh 9:11)

• E nafea te pure e tauturu mai ai i mua i te mau ati?

• Mai te peu aita tatou e nehenehe faahou e tavini mai i na mua ’tu, no te aha e titauhia ia tiatonu i ta tatou e nehenehe e rave i teie nei?

• Eaha te tauturu ia oe ia papu e roaa ia oe te re?