Ua faaineinehia te buka rairai O vai te rave nei i to Iehova hinaaro i teie mahana? ia hi‘opoahia te reira e te mau piahi Bibilia i te omuaraa aore ra i muri a‘e i te haapiiraa. * E tauturu te haapiiraa 1 tae atu i te 4 i te mau piahi ia ite atu â no nia ia tatou, ei nunaa Ite no Iehova. I roto i te haapiiraa 5 tae atu i te 14, e ite ïa ratou eaha ta tatou ohipa. E i te haapiiraa 15 tae atu i te 28, e ite ratou i te tereraa o ta tatou faanahonahoraa. Mea maitai a‘e ia hi‘opoa i te mau haapiiraa mai te omuaraa o te buka rairai e tae roa ’tu ai i te hopea. Mai te peu râ e tuati te hoê haapiiraa i te tahi uiraa taa maitai, a hi‘opoa ’tu ïa. Hoê haapiiraa, hoê noa ïa api. No te rahiraa o te mau piahi, e pae tae atu ahuru minuti noa te titauhia no te tauaparauraa.

• A huti i te ara-maite-raa i nia i te uiraa o te upoo parau o te haapiiraa

• A taio i te haapiiraa, te taatoaraa aore ra ma te tatuhaa

• A aparau no nia i ta orua i taio iho nei. A faaohipa i te mau uiraa i raro mai i te api, e i te mau hoho‘a. Na oe e hi‘o eaha te mau irava faahitihia ta orua e taio, a tauaparau atu ai i muri iho. A faaite atu e e pahono te mau pereota haameumeuhia i te uiraa o te upoo parau

• Mai te peu e te vai ra te tumu parau “Hau atu â,” a taio atu e a faaitoito i ta oe piahi ia pee i te mana‘o horoahia