NO TE AHA E MEA FAUFAA ’I? Ia faaineine te piahi i ta ’na haapiiraa, e taa ohie atu â ïa oia i ta tatou e haapii atu. E e haamana‘o atu â oia i te reira. Oioi atu â ïa taua piahi ra i te haere i mua. Noa ’tu ua bapetizohia oia, e titauhia ia faaineine oia i te mau putuputuraa e te pororaa no te vai “ara.” (Mt 25:13) No reira, e faufaahia oia i te roaraa o to ’na oraraa a ite ai e nafea ia haapii mai e ia haamau i te hoê haapiiraa tamau e te maitai. Mai te omuaraa iho â, a tauturu i te piahi ia faariro i te faaineineraa o ta ’na haapiiraa Bibilia ei peu matau na ’na.

E NAFEA ÏA?

• A horoa i te hi‘oraa maitai. (Ro 2:21) A faaineine i te haapiiraa taitahi ma te haamana‘o i te mau hinaaro o te piahi. (km 11/15 api 3) Ia ite oia e ua renihia ta oe papai

• A faaitoito ia ’na ia faaineine i ta ’na haapiiraa. Ia haamau-maitai-hia te haapiiraa, a faaite atu e tuhaa te faaineineraa o te haapiiraa Bibilia e a faataa ’tu no te aha mea faufaa te reira. A horoa ’tu i te mau mana‘o tauturu ia nehenehe oia e faataa i te taime no te faaineine ia ’na. E horoa vetahi feia poro i ta ratou iho papai faaineinehia i te piahi i te roaraa o te hoê haapiiraa ia ite oia no te aha mea faufaa ia faaineine i te papai. A haapopou ia ’na no te mea ua faaineine oia i ta ’na haapiiraa

• A faaite ia ’na e nafea ia faaineine i ta ’na haapiiraa. I te taime iho â e haamata ’i te piahi i te haapii mai i te Bibilia, e faataa vetahi feia poro i te hoê taime haapiiraa taatoa no te faaite i te piahi e nafea ia faaineine i ta ’na haapiiraa