NO TE AHA E MEA FAUFAA ’I? Ua riro te Korinetia 1 hoê o na rata 14 ta te aposetolo Paulo i papai no te faaitoito i to ’na mau hoa Kerisetiano. A papai ai i te hoê rata, e taime to te taata poro no te maiti maitai i te mau ta‘o ta ’na e faaohipa. E nehenehe atoa te taata o te fana‘o i te rata e taio faahou i te reira. Mea au roa te mau rata no te poro i te mau fetii aore ra hoa. Oia atoa i te mau taata ta tatou e ore e nehenehe e farerei atu. Ei hi‘oraa, ua hinaaro te hoê taata e ite hau atu â, mea fifi râ ia farerei ia ’na i to ’na fare. Mea fifi paha ia farerei i te tahi atu mau taata no te mea te ora ra ratou i roto i te mau fare tahua rau paruru-maitai-hia, i roto i te mau pǔpǔ fare ua opanihia te aua aore ra i te mau vahi atea roa. Eaha te titauhia ia haamana‘o a papai ai tatou i te rata, i te feia iho â râ ta tatou i ore i matau?

NAFEA ÏA?

• A papai i ta oe e parau atu i te taata mai te huru ra e te farerei nei oe ia ’na. A haamata ma te faaite atu o vai oe e a haapapu atu no te aha oe e papai ai ia ’na i te hoê rata. Peneia‘e e nehenehe oe e tuu i te hoê uiraa no te haaferuri i te taata e e aratai ia ’na i nia i ta tatou reni natirara. I muri iho, a papai atu no nia i te haapiiraa Bibilia ta tatou e faatere i ǒ te taata. Aore ra, a faaite roa ’tu i te tahi mau tumu parau o te mau pene itehia i roto i te mau papai haapiiraa. E nehenehe e hapono atu i te mau papai mai te tareta JW.ORG, te hoê titau-manihini-raa aore ra api parau

• Ia haapoto oe i te mana‘o e tia ’i. Mai te peu mea roa roa te rata, e rohirohi paha te taata taio.—A hi‘o i te hi‘oraa no te papairaa i te rata

• A taio faahou i ta oe rata no te ite te vai ra anei te tahi mau hape aore ra mea ohie anei ia taio atu. A haapao atoa mea maitai anei te huru paraparau o ta oe i papai. Eiaha e mo‘e i te tuu i te titiro rata tano i nia i te vehî rata