Maoti te mau ravea ite-mata-hia mai te hoho‘a aore ra video, e anaanatae, e taa e e haamana‘o a‘e te taata i ta ’na i haapii mai. Ua faaohipa o Iehova, to tatou Orometua Rahi roa ’‘e i te ravea ite-mata-hia no te horoa ’tu i te mau haapiiraa faufaa. (Ge 15:5; Ier 18:1-6) Ua na reira atoa to tatou Orometua Rahi o Iesu. (Mt 18:2-6; 22:19-21) Hoê o teie mau ravea faahiahia mau e tei matara mai i teie mau matahiti, o te mau video ïa. Te faaohipa maitai ra anei oe i te mau video a haapii atu ai i ta oe mau piahi Bibilia?

Ua faaineinehia ahuru video no te tauturu ia tatou ia haapii atu maoti te buka rairai Parau apî oaoa a te Atua. Pinepine hoê â upoo parau to te video taitahi i te hoê o te mau uiraa tei papai-meumeu-hia i roto i te buka rairai. E ite-atoa-hia tera buka rairai i nia jw.org e te vai ra te tahi mau faahororaa o te haamana‘o mai afea e faaohipahia ’i te video taitahi. Hau atu, te vai ra te tahi atu mau video no te taa ’tu â i te mau papai haapiiraa e rave rau o ta tatou mauhaa no te taviniraa.

Te haapii atu ra anei oe no nia i te hoê tumu parau Bibilia e ere i te mea ohie no te piahi ia taa? Aore ra te faaruru ra anei te piahi i te hoê fifi taa maitai? A maimi i te hoê video i nia jw.org® e JW Haapurororaa teata o te tauturu ia ’na. E nehenehe paha orua e mataitai i te hoê o tera mau video e e aparau atu no nia i te reira.

I te ava‘e taitahi, e matara mai te mau video apî. A mataitai ai i taua mau video ra, a feruri e nafea oe e faaohipa ’i i te reira no te haapii atu ia vetahi ê.