O te feia anaˈe e haerea moˈa to ratou te nehenehe e riro ei hoa piri no Iehova. (Pe1 1:14-16) Ia haapae te mau piahi Bibilia i te mau peu iino, e maitai rahi ta ratou e ite i roto i to ratou utuafare, i te pae o te ea e te faanavairaa faufaa.

A faataa maitai i te mau ture aveia a Iehova, no te aha o ˈna i horoa ˈi i te reira e eaha te maitai ta ratou e fanaˈo a pee ai i ta ˈna e parau. A tauturu i te piahi ia taui i to ˈna huru feruriraa a nehenehe ai o ˈna e rave i ta Iehova e hinaaro ra. (Eph 4:22-24) A haapapu ia ˈna e maoti te tauturu a Iehova e nehenehe ai o ˈna e haapae i te mau peu iino. (Php 4:13) A faaitoito ia ˈna ia turui i nia ia Iehova ia ore o ˈna e hema i mua i te tamataraa. A tauturu ia ˈna ia ite eaha te mau tupuraa e mea tia ia ape. A faaitoito ia ˈna ia rave i te tahi mau ohipa maitai no te mono i te mau peu iino. Auê te oaoa ia ite i te mau tauiraa ta te piahi Bibilia e rave maoti te tauturu a Iehova!

A MATAITAI I TE VIDEO A TAUTURU I TE PIAHI BIBILIA IA: FAAEA I TE RAVE I TE MAU PEU IINO E A PAHONO I TEIE MAU UIRAA:

• Mea nafea to te mau matahiapo e to Nita faaiteraa i to ratou tiaturi ia Jade?

• Mea nafea to Nita tautururaa ia Jade?

• Mea nafea to Jade imiraa i te tauturu a Iehova?