1-7 no Eperera
SALAMO 23-25
Himene 4 e pure | Parau omuaraa (1 min.)
1. “O Iehova to ˈu Tiai”
(10 min.)
E aratai Iehova ia tatou (Sl 23:1-3; w11 1/6 29 par. 3)
E paruru Iehova ia tatou (Sl 23:4; w11 1/6 29 par. 4)
E faatamaa Iehova ia tatou (Sl 23:5; w11 1/6 29 par. 5)
E aupuru Iehova i ta ˈna mau tavini mai ta te hoê tiai mamoe î i te here e aupuru ra i ta ˈna mau mamoe.
A UI IA OE IHO: ‘Mea nafea Iehova i te aupururaa ia ˈu?’
2. Te mau poe pae varua
(10 min.)
Sl 23:3—Eaha “te mau eˈa o te parau-tia” e eaha te tauturu mai ia vai noa i nia i taua mau eˈa ra? (w11 1/2 24 par. 1-3)
I roto i te taioraa Bibilia o teie hebedoma, eaha te tahi atu mau poe pae varua ta oe i ite mai?
3. Taioraa Bibilia
(4 min.) Sl 23:1–24:10 (th haapiiraa 5)
4. A haamata i te hoê aparauraa
(3 min.) PORORAA FAANAHO-ORE-HIA. A faaite atu i te hoê irava faaitoito mau i te hoê taata o te haapeapea nei no te natura. (lmd haapiiraa 2 numera 5)
5. A hoˈi e farerei
(4 min.) I TERA E TERA FARE. A faataa i te hoê taata tei farii i te buka rairai Ia ora oe e a muri noa ˈtu! i te tereraa o te hoê haapiiraa Bibilia. (lmd haapiiraa 9 numera 3)
6. A faariro ei pǐpǐ
Himene 54
7. E patoi anaˈe i te reo o te taata ê
(15 min.) Aparauraa.
Ua matau maitai te mau mamoe i te reo o ta ratou tiai a pee atu ai ia ˈna. E horo ê râ ratou i te reo o te taata ê. (Ioa 10:5) Hoê â huru no tatou. E faaroo tatou i te reo o Iehova, o Iesu e o to tatou mau tiai pae varua. (Sl 23:1; Ioa 10:11) E patoi râ tatou i te reo o te taata ê o te faahema mai “na roto i te mau parau haavarevare.”—Pe2 2:1, 3.
Te faataa ra te Genese pene 3 i te taime matamua a faaroohia ˈi te reo o te taata ê i nia i te fenua. Ua huna Satani ia Eva o vai mau o ˈna. Ua taviri oia i ta Iehova mau parau e to ˈna mau manaˈo turai. Te mea ino râ, ua faaroo Eva ia ˈna e ua roohia o ˈna e to ˈna utuafare i te ati.
I teie mahana, te tamata ra Satani i te haaparuparu i to tatou faaroo ma te haaparare i te mau parau haavare no nia ia Iehova e ta ˈna faanahonahoraa. Ia fariu ê tatou i te reo o te taata ê e tia ˈi! Mea atâta roa ia faaroo tatou i te reira, noa ˈtu e taime poto noa. A feruri na: Ehia maororaa to Satani paraparauraa ia Eva no te faahema ia ˈna? Mea poto roa. (Ge 3:1, 4, 5) Eaha râ te rave ia hinaaro te hoê hoa aore ra te fetii e faaite mai i te tahi parau tano ore no nia i ta Iehova faanahonahoraa?
A pata i te VIDEO A patoi i “te reo o te taata ê.” I muri iho, a ui i te feia e faaroo ra:
Eaha te haapii mai i te huru o Jade i nia i to ˈna mama?
