E tahoê te here i te utuafare. Aita anaˈe e here, e amahamaha te utuafare. E nafea te tane, te vahine e te mau metua e faatupu ai i te here i roto i te utuafare?

E haapao te tane î i te here i te hinaaro, te manaˈo e te huru aau o ta ˈna vahine. (Eph 5:28, 29) E aupuru oia i to ˈna utuafare i te pae tino e i te pae varua. Ei hiˈoraa, e faatupu oia i te haamoriraa utuafare. (Ti1 5:8) E auraro e e “faatura maite” te vahine î i te here i ta ˈna tane. (Eph 5:22, 33; Pe1 3:1-6) E faaore na hoa faaipoipo i te hapa te tahi i te tahi. (Eph 4:32) E tâuˈa te mau metua î i te here i ta ratou mau tamarii e e haapii atu ratou ia here ia Iehova. (De 6:6, 7; Eph 6:4) Eaha te tahi mau fifi farereihia e te mau tamarii i te fare haapiiraa? E nafea ratou e faaruru ai i te hamani-ino-raa i te haapiiraa? Ia rahi te here i roto i te utuafare, e oaoa te mero tataitahi!

A MATAITAI I TE VIDEO A FAATUPU I TE HERE MURE ORE I ROTO I TO OE UTUAFARE E A PAHONO I TEIE MAU UIRAA:

• E nafea te hoê tane e faaite ai i to ˈna here i ta ˈna vahine?

• E nafea te hoê vahine î i te here e faaite ai e mea faatura na ˈna i ta ˈna tane?

• E nafea te metua î i te here e haapii ai i te Parau a te Atua i ta ratou mau tamarii?