A RAVE MAITE I TA OE TAVINIRAA | IA OAOA ˈTU Â I ROTO I TE TAVINIRAA
Faahohoˈa i te mau manaˈo faufaa
I roto i ta tatou mau farerei-faahou-raa e ia faatere tatou i te haapiiraa Bibilia, e tauturu tatou i te taata e faaroo mai ra ia taa i te manaˈo faufaa. Ia faaohipa tatou i te faahohoˈaraa, e putapû to ratou aau e e ohie roa ˈtu no ratou no te apo mai i te haapiiraa.
A faaineine ai oe no te hoê farerei-faahou-raa e te hoê haapiiraa Bibilia, a imi i te mau manaˈo mea faufaa ia haamatara e a imi i te tahi mau hiˈoraa mea matau maitai na te taata. (Mt 5:14-16; Mk 2:21; Lu 14:7-11) A faatano i ta oe hiˈoraa i te tupuraa, te huru oraraa aore ra te ohipa a te taata e faaroo mai ra. (Lu 5:2-11; Ioa 4:7-15) Ia taa o ˈna i te manaˈo ta oe e tamata ra i te haamatara, e oaoa o ˈna, e e oaoa atoa ïa oe.
A MATAITAI I TE VIDEO A OAOA I TE FAARIRO I TE TAATA EI PǏPǏ MA TE ARAVIHI ATU Â: I TE FAAHOHOˈA I TE MAU MANAˈO FAUFAA, E A PAHONO I TEIE MAU UIRAA:
-
No te aha tatou e tauturu ai i te mau piahi ia taa i te mau irava Bibilia?
-
Eaha te faahohoˈaraa ta Nita i faaohipa no te faataa i te Roma 5:12?
-
E putapû te aau i te mau faahohoˈaraa tano
Eaha te mau maitai ia faaohipa i te faahohoˈaraa tano?
-
I roto i ta tatou taviniraa, no te aha mea maitai ia faaohipa i te mau video e te mau papai no te haapiiraa ta te faanahonahoraa a Iehova i faaineine mai?
