I te hopea o “te mau mahana hopea,” e rahi roa ˈtu â te ati. (Ti2 3:1; Mt 24:8) Ia roohia te mau tavini a Iehova i te ati, e fanaˈo ratou i te tauturu e te aratairaa i te taime tano. E titauhia râ ia pee i te mau aratairaa e ia faaineine i teie nei â.—Lu 16:10.

• Faaineineraa i te pae varua: E vai piri noa tatou ia Iehova. E hiˈo tatou e nafea tatou e tauturu ai ia vetahi ê. Eiaha e haapeapea ia ore tatou e ite i te tahi atu mau mero o te amuiraa. (Isa 30:15) E haapao noa mai iho â Iehova e Iesu ia tatou.—od-F 176 par. 15-17

• Faaineineraa i te pae materia: Hau atu i te pute faaineinehia no te mau tupuraa ru, e faanaho te utuafare i te maa, te pape, te raau e te tahi atu mau taihaa e hinaarohia mai te peu eita e nehenehe e haere i rapae no te hoê tau maoro.—Mas 22:3; g17.5-F 4, 6

A MATAITAI I TE VIDEO UA INEINE ANEI OUTOU I TE FAARURU I TE ATI NATURA? E A PAHONO I TEIE MAU UIRAA:

• E nafea tatou e faaineine ai i te pae varua hou te ati natura a tupu ai?

• No te aha mea titauhia ia:

  • horoa i ta tatou numera niuniu e te mau haamaramaramaraa apî roa ˈˈe i te mau matahiapo?

  • faaineine i te hoê pute no te mau tupuraa ru?

  • hiˈopoa eaha te huru ati e tupu i ǒ tatou nei e eaha te rave?

• Eaha na ravea e toru e tauturu ai tatou i tei roohia i te ati natura?

A UI IA OE IHO: ‘I mua i teie maˈi COVID-19, e nafea vau e vai ineine noa ˈi?’