A RAVE MAITE I TA OE TAVINIRAA | IA OAOA ˈTU Â I ROTO I TE TAVINIRAA
Ia oaoa ˈtu â i roto i te taviniraa
E oaoa te taata a ite ai i to tatou anaanatae. E anaanatae ratou i te faaroo mai. E faaite atoa te reira e te haafaufaa ra tatou i te poroi ta tatou e afai ra. Noa ˈtu to tatou fenua e to tatou huru, e nehenehe tatou e faatupu i te anaanatae. (Ro 12:11) E nafea ïa?
A tahi, a feruri i te faufaaraa o ta tatou poroi. E haamaitairaa ia “faaite i te parau apî oaoa no nia i te mau mea maitai!” (Ro 10:15) A piti, a feruri e nafea te parau apî oaoa e tauturu ai i te taata. Mea faufaa roa ia faaroo ratou i te poroi no roto mai i te Bibilia. (Ro 10:13, 14) A toru, a paraparau ma te itoito, na roto i te aparaa rima e te hohoˈa mata, a faaite i to oe anaanatae.
A MATAITAI I TE VIDEO A OAOA I TE FAARIRO I TE TAATA EI PǏPǏ MA TE ARAVIHI ATU Â: I TE HAAPII ATU MA TE OAOA E A PAHONO I TEIE MAU UIRAA:
-
Eaha tei faaiti i te anaanatae o Nita no te haapiiraa Bibilia a Jade?
-
Eaha tei tauturu ia Nita ia anaanatae faahou i te haapii ia Jade?
-
E oaoa te taata a ite ai i to tatou anaanatae
No te aha mea titauhia ia haapao i te mau huru maitatai o te feia e faaroo mai ra?
-
Eaha ta to tatou anaanatae e faatupu i nia i te mau piahi Bibilia e ia vetahi ê?
