A piri mai ai te hopea o teie nei ao, e rahi atu â te arepurepuraa, te ohipa totoaraa e te tamaˈi. (Apo 6:4) E nafea tatou e faaineine ai ia tatou no te mau fifi e tupu mai a muri aˈe?

• Faaineineraa i te pae varua: A hiˈopoa i te mau faaueraa tumu e te mau aamu Bibilia o te haapuai i to outou tiaturiraa ia Iehova e i ta ˈna faanahonahoraa o te tauturu atoa ia tapea noa i to outou tiaraa amui ore. (Mas 12:5; jr-F 125-126 par. 23-24) E titauhia ïa ia faatupu i te hoê auhoaraa piri e te mau taeae e tuahine o te amuiraa i teie nei â.​—Pe1 4:7, 8.

• Faaineineraa i te pae materia: A imi i te hoê vahi papu mai te peu eita e nehenehe e haere i rapae e a faanaho i te maa e te pape e hinaarohia. A haapapu atoa ihea te utuafare e farerei ai. A hiˈopoa faahou eaha to roto i ta outou pute faaineinehia no te mau tupuraa ru. Eiaha e moˈehia i te tuu i te mau taoˈa paruru e te moni. A imi i te ravea no te faaara i te mau matahiapo ia nehenehe ratou e taniuniu ia outou.​—Isa 32:2; g17.5-F 3-7

I te roaraa o te arepurepuraa, a tamau i te pure, i te taio i te Bibilia e i te apiti i te mau putuputuraa. (Php 1:10) Mai te peu aita e titauhia ia outou ia faarue i te fare, eiaha ïa e hahaere na rapae. (Mt 10:16) A opere i te maa e te tahi atu mau mea e hinaarohia na vetahi ê.​—Ro 12:13.

A MATAITAI I TE VIDEO UA INEINE ANEI OUTOU I TE FAARURU I TE ATI? E A PAHONO I TEIE MAU UIRAA:

• E nafea Iehova e tauturu ai ia tatou ia tupu anaˈe te ati natura?

• Eaha te rave no te faaineine ia tatou?

• E nafea tatou e nehenehe ai e turu i te feia e roohia ra i te ati natura?