ORARAA KERISETIANO
A hiˈo ia outou mai ia Iehova
Mea here na Iehova i to ˈna nunaa. (Sl 149:4) Noa ˈtu e taata tia ore tatou, te ite nei oia i to tatou mau huru maitatai e to tatou aravihi. I te tahi taime, e faahapa tatou ia tatou iho. No te huru o vetahi ê i nia ia tatou, e puta roa mai paha te manaˈo e mea faufaa ore tatou. Aore ra, ia haamanaˈo noa tatou i te hara ta tatou i rave na, e tae roa paha tatou i te ui e te here noa ra anei Iehova ia tatou. Mai te peu tei roto tatou i tera mau tupuraa, eaha te nehenehe e tauturu mai?
A haamanaˈo e ere te huru hiˈoraa a te taata mai te huru hiˈoraa a te Atua. (Sa1 16:7) Maoti te Bibilia e taa ˈi ia tatou eaha to Iehova manaˈo ia tatou. E nehenehe ïa tatou e hiˈopoa i te mau irava e aamu o te faaite maitai ra i te here rahi o Iehova no ta ˈna mau tavini.
A MATAITAI I TE VIDEO A TIATURI PAPU E MEA HERE NA IEHOVA IA OE E A PAHONO I TEIE MAU UIRAA:
-
Eaha ta te hiˈoraa o te taata horo e to ˈna papa e haapii mai ra no nia i ta Iehova huru hiˈoraa ia tatou?
-
Ia rave te hoê Kerisetiano tei hapa i te mau taahiraa titauhia no te hoˈi mai ia Iehova ra, e nafea o ˈna e papu ai e mea here na Iehova ia ˈna?—Io1 3:19, 20.
-
Mea nafea te taeae i faufaahia ˈi i te feruriruriraa i nia i te mau aamu o Davida e Iehosaphata?
