TAO‘A RAU BIBILIA | IOBA 6-10
Ua faaite te taata taiva ore ra o Ioba i to ’na ahoaho
Ua ere Ioba i ta ’na mau tao‘a, tei roto oia i te oto e ua roohia oia i te ma‘i rahi. Ua vai taiva ore râ oia. Faaohipa ’tura Satani i te toaruaru no te turai ia Ioba ia ofati i to ’na hapa ore. E toru “hoa” tei haere e farerei ia ’na. Na mua roa, ua faaite hua ratou i te aumihi ia Ioba. I muri iho, ua parahi ratou ia Ioba ra ma te ore e paraparau e hitu mahana. Aita hoê a‘e parau tamahanahana. I to ratou râ paraparauraa ia Ioba, ua faahapa ratou ia ’na.
Ua vai taiva ore Ioba ia Iehova noa ’tu te mau fifi rahi ta ’na i faaruru
-
No to ’na oto rahi Ioba i mana‘o ai ma te hape e e ere i te mea faufaa no te Atua ia vai taiva ore oia aore ra aita
-
No to ’na toaruaru, aita Ioba i mana‘o e te vai ra te tahi atu mau tumu o to ’na mauiui
-
Noa ’tu to ’na mauiui rahi, ua faaite noa Ioba i te feia tei faahapa ia ’na e ua here oia ia Iehova
