E nehenehe te mau video e haaputapû i te aau o te taata ma te faaara i te mau tumu ite o te hi‘o e te faaroo. E tauturu te reira ia huti i te ara-maite-raa o te taata a vai noa ’tu ai tei mataitaihia i roto i te feruriraa. Ua horoa Iehova i te hi‘oraa maitai roa ’‘e ma te faaohipa i te tahi mau ravea ite-mata-hia no te haapii.—Ohi 10:9-16; Apo 1:1.

E tuhaa hau te mau video E i‘oa anei to te Atua?, O vai te tumu o te Bibilia? e E nafea e papu ai ia tatou e e parau mau te Bibilia? no te haapiiraa 2 e 3 o te buka rairai Parau apî oaoa. E faaitoito te mau video No te aha e haapii ai i te Bibilia?, Eaha te ravehia i te hoê haapiiraa Bibilia? e Eaha te ravehia i te hoê Piha a te Basileia? i te taata ia haapii i te Bibilia e tatou aore ra ia apiti i te mau putuputuraa. E nehenehe atoa e faaohipa i te tahi o ta tatou mau video huru roa ’‘e i te hoê haapiiraa Bibilia.—km 5/13 3.

• A rave mai na mua roa i te video ta oe e hinaaro e faaite i te fatu fare

• A faaineine hoê aore ra piti uiraa to roto te pahonoraa i te video

• A mataitai i te video e o ’na

• A tauaparau no nia i te mau mana‘o faufaa

• A rave hoê o ta tatou mau api parau i te api hopea e a faaite atu i te hoho‘a iti o te faahaere i te vahi te vai ra te video No te aha e haapii ai i te Bibilia?

• A faaite i te video E nafea e papu ai ia tatou e e parau mau te Bibilia? e a pûpû atu i te buka rairai Parau apî oaoa ma te huti i te ara-maite-raa i te haapiiraa 3