E tauturu tatou i te piahi ia haapii o vai Iehova e ia riro ei Kerisetiano feruriraa paari i te pae varua. Tera râ, e titauhia i te piahi ia haapii hau atu â pue parau mau Bibilia. (Mt 5:3; Heb 5:12–6:2) Mea faufaa atoa ia taa o ˈna e nafea ia haapii i te Bibilia.

I te omuaraa iho â, a faaite i te piahi e nafea o ˈna ia faaineine i ta ˈna haapiiraa Bibilia e a faaitoito atu ia na reira. (mwb18.03 6) A faataa ia ˈna i te faufaaraa ia pure hou a haamata ˈi i ta ˈna iho haapiiraa Bibilia. A tauturu ia ˈna ia faaohipa i te mau ravea apî no te rave i te mau maimiraa no ta ˈna haapiiraa. A aratai ia ˈna i nia i te reni natirara jw.org ia ite o ˈna eaha te mea apî e ia mataitai atoa i te JW Haapurororaa teata. A faaitoito ia ˈna ia taio i te Bibilia i te mau mahana atoa, ia faaineine ia ˈna no te mau putuputuraa, ia rave i te mau maimiraa no te pahono i ta ˈna iho mau uiraa e a tauturu ia ˈna ia feruriruri no nia i ta ˈna e haapii ra.

A MATAITAI I TE VIDEO A TAUTURU I TE PIAHI BIBILIA IA . . . TAA E NAFEA IA HAAPII I TE BIBILIA E A PAHONO I TEIE MAU UIRAA:

• Mea nafea Nita i te tautururaa ia Jade ia taa, a haapii ai i te Bibilia, eita e navai noa ia ite i te pahonoraa?

• Mea nafea Jade i te papuraa e ua tano Iehova i te opaniraa i te peu taotoraa tia ore?

• Mea nafea Jade i taa ˈi i te faufaaraa ia feruriruri?