ORARAA KERISETIANO
Te oaoa noa ˈtu te hamani-ino-raa
Eita te mau Kerisetiano e maere ia hamani-ino-hia ratou. (Ioa 15:20) Noa ˈtu mea mauiui mau ia hamani-ino-hia tatou, e nehenehe râ tatou e oaoa noa a faaoromai tamau ai i te reira.—Mt 5:10-12; Pe1 2:19, 20.
A MATAITAI I TE VIDEO E NEHENEHE TATOU E OAOA NOA, NOA ˈTU . . . TE HAMANI-INO-RAA E A PAHONO I TEIE MAU UIRAA:
Eaha ta outou i haapii mai i te hiˈoraa o taeae Bazhenov no nia i te faufaaraa
-
ia taio i te Bibilia i te mau mahana atoa?
-
ia farii i te tauturu a te mau taeae e tuahine? a
-
ia tamau i te pure?
-
ia himene i te mau himene arueraa ia Iehova?
-
ia poro i te taata?
a E nehenehe tatou e pure no te mau taeae tei tapeahia ma te faahiti roa i to ratou iˈoa. Tera râ, aita te amaa e nehenehe e hapono i te mau rata ta tatou i papai no teie mau taeae.
