ORARAA KERISETIANO
E ravea te mau tairururaa matahiti no te faaite i te here
No te aha tatou e oaoa rahi ai i ta tatou mau tairururaa matahiti? Mai tei ravehia i Iseraela i tahito ra, e ravea atoa ta tatou mau tairururaa i teie mahana no te haamori amui ia Iehova e tau hanere hoa haamori, e i te tahi taime e e ehia tausani hoa haamori. Te oaoa nei tatou i te fanaˈo i te maa pae varua maitai roa o te tauturu mai ra ia vai piri noa ia Iehova. Te haafaufaa rahi atoa nei tatou i te taime faataahia e to tatou mau hoa e fetii. No to tatou mauruuru rahi ia Iehova, e hinaaro tatou e haere i na toru mahana o te tairururaa.
I te mau taime atoa e nehenehe ai tatou e putuputu, e titauhia ia feruri, eiaha noa i ta tatou e fanaˈo, oia atoa râ i tatou e rave no te faaite i te here ia vetahi ê. (Ga 6:10; Heb 10:24, 25) Te faaite nei tatou e te imi ra tatou i to vetahi ê maitai ma te iriti i te uputa no te hoê taeae aore ra tuahine aore ra ma te tapao i te mau parahiraa noa ta tatou e hinaaro mau ra. (Php 2:3, 4) I te mau tairururaa, e nehenehe tatou e faahoa i te tahi atu. Na mua ˈˈe e i muri aˈe i te porotarama, oia atoa i te taime tamaaraa, e nehenehe tatou e haamau i te fa e haamatau i te tahi taata. (Ko2 6:13) E auhoaraa o te vai maoro paha ta tatou e ite mai! Te mea faufaa roa, ia tapao te feia e ere i te Ite no Iehova i te here mau ta tatou e faaite. Ia reira paha ratou e faaoti ai e tavini ia Iehova.—Ioa 13:35.
A MATAITAI I TE VIDEO TE MAU TAIRURURAA NUNAA RAU “EITA ROA TE HERE E MURE”! E A PAHONO I TO MURI NEI MAU UIRAA:
-
Mea nafea te here i te faaiteraahia i te mau tia tei tere atu i te mau tairururaa nunaa rau 2019?
-
No te aha mea taa ê te auhoêraa e te here itehia i roto i te nunaa o Iehova?
-
Eaha te mau tuhaa o te here ta te mau mero o te Tino aratai i haafaufaa?
-
E nafea oe e faaite ai i te here i ta tatou mau tairururaa?
Mea nafea te here i tahoê ai i to tatou mau taeae i Heremani e i Korea apatoa?
-
Eaha ta tatou e faaoti papu i te rave?
