Te ora nei tatou i roto i te hoê ao o te hinaaro nei ia manaˈo tatou e ‘te ino e maitai ïa, e te maitai e ino ïa.’ (Isa 5:20) Ei hiˈoraa, te rave nei te taata i te mau mea ta Iehova e riri nei, mai te hoê haerea tano ore i rotopu i te tane e te tane aore ra te vahine e te vahine. E nehenehe te mau hoa i te fare haapiiraa e te tahi atu e turai i to tatou feia apî here ia pee i to ratou haerea tano ore. E nafea e faaineine ai i ta outou mau tamarii ia faaruru i teie tupuraa e i te tahi atu ma te manuïa?

A haapii i ta outou mau tamarii ia ite ratou i te mau ture aveia a Iehova. (Le 18:3) A faataa ˈtu eaha ta te Bibilia e parau ra no nia i te mau peu taotoraa ia au i to ratou faito matahiti. (De 6:7) A uiui: ‘Ua haapii maitai anei au i ta ˈu tamarii e nafea mau ia faaite i te here? Ua haapii anei au ia ˈna te faufaaraa ia oomo i te ahu e au e te faufaaraa ia faatura vetahi ê i to ˈna tino? Ua ite anei ta ˈu tamarii eaha te rave ia faaitehia ia ˈna te hohoˈa faufau e ia ani atu te hoê taata ia rave i te hoê ohipa ta Iehova e opani?’ E tauturu te ite-atea-raa i te reira ia ratou ia ape e rave rahi fifi. (Mas 27:12; Koh 7:12) Ma te na reira, te faaite ra outou i to outou here i teie ‘tufaa no ǒ mai ia Iehova ra.’—Sl 127:3.

A MATAITAI I TE VIDEO A PATU I TE HOÊ FARE O TE VAI NOA: A PARURU I TA OUTOU MAU TAMARII I “TE MEA INO,” E A PAHONO I TO MURI NEI MAU UIRAA:

• No te aha vetahi e ore ai e haapii i ta ratou mau tamarii no nia i te mau peu taotoraa?

• No te aha e mea tia ia faaineine te mau metua i ta ratou mau tamarii “i te aˈo e te faaararaa a Iehova”?—Eph 6:4

• Eaha ta te faanahonahoraa a Iehova e horoa ra no te tauturu i te mau metua ia haapii i ta ratou mau tamarii no nia i te mau peu taotoraa?—w19.05 12, tumu parau tarenihia

• No te aha e mea tia ia paraparau tamau i ta outou mau tamarii hou ratou a topa ˈi i roto i te mau fifi?