No te aha e titauhia ia faaite i to outou mau huru aau i to outou mau metua? (Mas 23:26) No te mea ua horoa Iehova i to outou mau metua te hopoia e aupuru e e aratai ia outou. (Sl 127:3, 4) Eita to outou mau metua e nehenehe e tauturu ia outou mai te peu eita outou e faaite atu i ta outou e haapeapea ra. E ere atoa outou i te haapiiraa faufaa no ǒ mai ia ratou ra. Mea ino anei aita anaˈe outou e faaite i to outou mau huru aau? E ere! A haapao maitai râ, i te tahi taime e manaˈo paha to outou mau metua te huna ra outou i te tahi mea ia ratou.—Mas 3:32.

E nafea ia paraparau i to outou mau metua? A maiti i te taime tano no outou e no ratou. Mai te peu eita e haere ia outou, e nehenehe outou e papai i te hoê rata no te faaite i to outou mau huru aau. E ia paraparau mai ratou no nia i te hoê ohipa ta outou e ore e hinaaro e paraparau? A haamanaˈo e nehenehe ratou e tauturu ia outou. E ere to outou mau metua i te enemi, e hoa papu râ no outou! Ia tutava outou i te tauaparau ia ratou, e faufaahia outou i te roaraa o to outou oraraa e a muri noa ˈtu!—Mas 4:10-12.

A MATAITAI I TE VIDEO I TO ˈU APÎ-ROA-RAA: NAFEA VAU IA PARAPARAU I TO ˈU METUA? E A PAHONO I TEIE MAU UIRAA:

• Eaha te huru o Esther e o Partik i nia i to raua mau metua?

• Eaha te haapii mai i te hiˈoraa o Iesu?

• E nafea to outou mau metua e faaite ai e te tâuˈa ra ratou ia outou?

• Eaha te mau aratairaa Bibilia o te nehenehe e tauturu ia outou ia paraparau i to outou mau metua?