E nehenehe te Bibilia e taui i to tatou oraraa. (Heb 4:12) Tera râ, no te fanaˈo i te mau aratairaa e aˈoraa Bibilia, mea faufaa ia tiaturi papu tatou e o te Bibilia iho â te Parau a te Atua. (Te1 2:13) E nafea tatou e haapuai ai i to tatou tiaturi i te Bibilia?

A taio i te hoê tuhaa o te Bibilia i te mau mahana atoa. A taio ai i te reira, a imi i te mau mea e haapapu ra e no ǒ mai ia Iehova ra te Bibilia. Ei hiˈoraa, a hiˈopoa i te buka Maseli e a tapao i te mau aˈoraa î i te paari ta outou e nehenehe e fanaˈo.—Mas 13:20; 14:30.

A faahohonu atu â i ta outou haapiiraa Bibilia. A rave i te tahi mau maimiraa o te haapapu ra e ua papaihia te Bibilia i raro aˈe i te aratairaa a te varua o te Atua. I roto i te Maimiraa Bibilia no te mau Ite no Iehova, a hiˈo i te tumu parau “Te Bibilia” e i muri iho “Papaihia i raro aˈe i te aratairaa a te varua o te Atua.” E nehenehe atoa outou e haapuai i to outou tiaturi e aita te poroi o te Bibilia i taui noa ˈˈe, ma te hiˈopoa i te mau haamaramaramaraa o te Tuhaa hau A3 o te Huriraa o te ao apî.

A MATAITAI I TE VIDEO NO TE AHA TATOU E TIATURI AI I . . . TE PARAU A TE ATUA? E A PAHONO I TEIE MAU UIRAA:

• Mea nafea te hoê patu o te tahi hiero itehia mai i Aiphiti i te haapapuraa e mea mau te mau aamu Bibilia?

  Your answer

• E nafea tatou e papu ai e aita te poroi o te Bibilia i taui?

  Your answer

• I te mea e aita te Bibilia i nehenehe e faaorehia, e nafea te reira e haapapu ai e o te Parau a te Atua te Bibilia?—A taio i te Isaia 40:8

  Your answer