No te aha mea faufaa ia faaineine? E nehenehe te mau fifi ru i te pae rapaauraa e tupu taue noa mai. No reira, a faaineine ia oe hou a tupu ai te hoê fifi ru ia nehenehe oe e fanaˈo i te rapaauraa maitai roa ˈˈe. A na reira ˈi, te haafaufaa ra ïa oe i te ora e te ture ta Iehova i haamau no nia i te toto.—Ohi 15:28, 29.

Eaha te rave no te faaineine ia oe?

• A pure e a faaî maitai i te tareta toto parauhia Instructions médicales/Désignation d’une personne de confiance (DPA). a E nehenehe te feia bapetizohia e fanaˈo i teie tareta toto DPA ma te ani atu i te taeae haapao buka. Mai te peu e tamarii ta outou, e nehenehe outou e ani atu i te api parau Document d’identité médical (ic)

• Mai te peu e vahine hapû outou, a ani i te mau matahiapo i te hoê api parau Informations pour les femmes enceintes (S-401). E nehenehe te reira e tauturu ia outou ia rave i te mau faaotiraa maitai ia tupu noa mai te hoê fifi rapaauraa i te roaraa o te hapûraa e i te taime fanauraa

• Mai te peu e titauhia ia tapeahia outou i te fare maˈi aore ra ia rapaauhia outou i te hoê ravea e faaohipahia paha te toto, a faaara oioi i te mau matahiapo. A faaara atoa i te taote e te farii ra outou ia haere mai te hoê Ite no Iehova e farerei ia outou

E nafea te mau matahiapo e tauturu ai ia oe? E nehenehe ratou e tauturu ia oe ia faaî i ta oe tareta toto DPA. Tera râ, eita te mau matahiapo e rave i te faaotiraa no oe e eita atoa ratou e horoa i to ratou manaˈo no nia i ta oe mau faaotiraa. (Ro 14:12; Ga 6:5) Ia faaara oe i te mau matahiapo e maˈi to oe e titauhia paha ia faaohipa i te toto, oioi ratou i te faaara ˈtu i te Tomite tuatiraa e te fare maˈi (CLH).

E nafea te CLH e tauturu ai ia oe? Ua faaineinehia te mau taeae o te ohipa ra i roto i te Tomite tuatiraa e te fare maˈi (CLH) no te tauturu i te mau taote e te mana haava ia taa maitai i te faaotiraa a te mau Ite no Iehova no nia i te toto. E nehenehe ratou e tauaparau e te mau taote no nia i te mau ravea rapaauraa o te ore e faaohipa ra i te toto. Ia hinaaro oe, e nehenehe atoa ratou e tauturu ia oe ia farerei i te hoê taote o te faatura i te faaotiraa a te mau Ite no Iehova no nia i te toto.

A MATAITAI I TE VIDEO NAFEA IA RAVE I TE MAU FAAOTIRAA NO TE RAVEA RAPAAURAA NO NIA I TE TOTO? E A PAHONO I TEIE MAU UIRAA:

• Eaha ta oe i haapii i roto i teie video o te tauturu ia oe ia ineine mai te peu e tupu te hoê fifi ru i te pae rapaauraa e titauhia ia faaohipa i te toto?

  Your answer