ORARAA KERISETIANO
E tauturu Iehova ia tatou ia faaoromai tamau i te mau fifi
I teie mau mahana hopea, te faaruru nei tatou e rave rahi fifi. I te tahi taime, e manaˈo paha tatou e eita e haere ia faaoromai faahou i te reira. Ia vai piri noa râ tatou ia Iehova, e tauturu mai o ˈna ia faaoromai tamau i te mau tupuraa fifi atoa. (Isa 43:2, 4) E nafea tatou e faafatata ˈtu ai ia Iehova, tei roto anaˈe tatou i te fifi?
Te pure. Ia haamahora tatou i to tatou aau ia Iehova, e horoa mai o ˈna i te hau o te feruriraa e te puai no te faaoromai tamau.—Php 4:6, 7; Te1 5:17.
Te mau putuputuraa. Maoti te mau putuputuraa e fanaˈo ai tatou i te maa pae varua e te hoa maitai. (Heb 10:24, 25) Ia faaineine e ia apiti tatou i te mau putuputuraa na roto i ta tatou mau pahonoraa, e fanaˈo tatou i te varua moˈa o Iehova.—Apo 2:29.
Te taviniraa. Ia tamau noa tatou i te rohi i roto i te taviniraa, e faatupu ïa tatou i te hoê feruriraa maitai. Hau atu, e puai atu â to tatou auhoaraa e o Iehova e e piri atu â tatou e te mau taeae e tuahine.—Ko1 3:5-10.
A MATAITAI I TE VIDEO NA IEHOVA E AUPURU IA OE E A PAHONO I TEIE MAU UIRAA:
-
Eaha tei tauturu ia Malu ia vai piri noa ia Iehova noa ˈtu te mau fifi ta ˈna i faaruru?
-
Mai ia Malu, e nafea te mau parau faahitihia i roto i te Salamo 34:18 e tamahanahana ˈi ia tatou i te taime fifi?
-
I mua i te fifi, e nafea te hiˈoraa o Malu e faaite ai e e horoa mai iho â Iehova i te “puai o te hau ê i to te taata nei”?—Ko2 4:7
