E hinaaro tatou e faaoaoa ia Iehova i roto i te mau ohipa atoa ta tatou e rave. (Mas 27:11) E titauhia ia tatou ia rave i te mau faaotiraa ia au i to ˈna hinaaro, noa ˈtu aita e ture taa maitai. Eaha râ te nehenehe e tauturu ia tatou?

A tamau i ta outou iho haapiiraa Bibilia. I te mau taime atoa e taio ai tatou i te Bibilia, e taime tera o tatou anaˈe e o Iehova. E haapii atu â tatou no nia i to Iehova manaˈo a ite ai i to ˈna huru i nia i ta ˈna mau tavini e a hiˈopoa ˈi i te hiˈoraa o te feia tei faahitihia i roto i te Bibilia, tei rave i te mea maitai aore ra i te mea ino. I mua i te hoê faaotiraa, e haamanaˈo mai te varua moˈa i te mau haapiiraa e faaueraa tumu ta tatou i haapii i roto i te Bibilia.—Ioa 14:26.

A rave i te mau maimiraa. I mua i te hoê faaotiraa, a ui ia oe iho: ‘Eaha te mau irava aore ra te mau aamu Bibilia o te nehenehe e tauturu ia ˈu ia taa i to Iehova manaˈo no nia i tera tupuraa?’ A pure ia Iehova e a faaohipa i te mau ravea maimiraa na roto i to outou reo o te tauturu ia outou ia ite mai i te mau faaueraa tumu Bibilia no te hoê tupuraa ta outou e farerei.—Sl 25:4.

A MATAITAI I TE VIDEO “E HORO ANAˈE MA TE FAAOROMAI TAMAU”: A AMU I TE MAA MAITATAI E A PAHONO I TEIE MAU UIRAA:

• I roto i te video, eaha te mau faaheporaa ta te tuahine apî i faaruru?

  Your answer

• E nafea te mau ravea maimiraa e tauturu ai ia oe ia faaoromai tamau i te mau faaheporaa?

  Your answer

• Eaha te mau maitai ta tatou e ite a rave ai i te mau maimiraa e ta tatou iho haapiiraa Bibilia no te rave i te mau faaotiraa maitai?—Heb 5:13, 14

  Your answer