15-21 no Tenuare
IOBA 36-37
Himene 147 e pure | Parau omuaraa (1 min.)
1. No te aha e nehenehe ai e tiaturi i te parau fafau o te ora mure ore?
(10 min.)
E Atua mure ore Iehova (Iob 36:26; w15 1/11 13 par. 1-2)
E paari e e mana to Iehova ia fanaˈo te taatoaraa i te ora (Iob 36:27, 28; w20.05 22 par. 6)
E haapii Iehova ia tatou e nafea ia fanaˈo i te ora mure ore (Iob 36:4, 22; Ioa 17:3)
Ia puai to tatou tiaturi i te parau fafau o te ora mure ore, e riro ïa te reira mai te hoê tutau o te tauturu ia tatou ia mau papu noa ˈtu te mau fifi.—Heb 6:19; w22.10 28 par. 16.
2. Te mau poe pae varua
(10 min.)
-
Iob 37:20—I tahito ra, mea nafea te mau parau apî i haapurarahia ˈi? (it-1-F 503)
-
I roto i te taioraa Bibilia o teie hebedoma, eaha te tahi atu mau poe pae varua ta oe i ite mai?
3. Taioraa Bibilia
(4 min.) Iob 36:1-21 (th haapiiraa 2)
4. A haamata i te hoê aparauraa
(3 min.) PORORAA I TE VAHI TAATA. (lmd haapiiraa 3 numera 3)
5. A hoˈi e farerei
(4 min.) I TERA E TERA FARE. (lmd haapiiraa 2 numera 5)
6. A faataa i ta oe mau tiaturiraa
(5 min.) Oreroraa parau. ijwfq 57 par. 5-15: Tumu parau: Eaha ta te mau Ite no Iehova i faaruru i te tau o te Taparahiraa a te mau Nazi? (th haapiiraa 18)
Himene 49
7. Ia ineine noa oe no te mau tupuraa ru i te pae rapaauraa
(15 min.) Aparauraa. Na te hoê matahiapo e haapao i teie tuhaa.
Ua horoa mai te faanahonahoraa a Iehova i tei hinaarohia no te tauturu ia tatou ia auraro i te ture a te Atua no nia i te toto. (Ohi 15:28, 29) Te faaohipa ra anei oe i teie mau ravea?
Instructions médicales/Désignation d’une personne de confiance (DPA) e te tareta Document d’identité médical (ic): E faaite teie na tareta i te mau faaotiraa a te hoê taata poro no nia i te faaohiparaa i te toto ei ravea rapaauraa. E nehenehe te feia bapetizohia e ani i te tahi tareta DPA no ratou iho i te taeae haapao buka e te tareta Document d’identité médical no ta ratou mau tamarii aita i tia te matahiti. Mea faufaa ia vai noa teie mau tareta i nia ia tatou i te mau taime atoa. Ia titauhia ia tatou ia faaî aore ra ia faaapî i te reira, eiaha ïa e haamarirau.
Informations pour les femmes enceintes (S-401) e Informations pour les patients qui ont recourt à une chirurgie ou une chimiothérapie (S-407): E tauturu teie mau api parau ia tatou ia ineine no te faaruru i te mau tupuraa ru i te pae rapaauraa, mai te mau ravea rapaauraa e titauhia ia faaohipa i te toto. A ani i te mau matahiapo i teie mau api parau mai te peu e hapû to outou aore ra e maˈi mariri ai taata.
Tomite tuatiraa e te fare maˈi (CLH): Ua faaineinehia te mau taeae o te ohipa ra i roto i te Tomite tuatiraa e te fare maˈi (CLH) no te tauturu i te feia poro e te mau taote ia taa maitai i te faaotiraa a te mau Ite no Iehova no nia i te toto. E nehenehe ratou e tauaparau e te mau taote no nia i te mau ravea rapaauraa o te ore e faaohipa ra i te toto. E nehenehe atoa teie mau taeae e tauturu ia oe ia farerei i te hoê taote o te faatura i te mau faaotiraa a te mau Ite no Iehova. E noaahia mai ratou e 24 hora i te mahana e e 7 mahana i te hebedoma. A niuniu oioi atu i te CLH mai te peu e tapeahia oe i te fare maˈi, e tâpûhia e e rapaauhia oe mai te chimiothérapie anei, noa ˈtu aita e titauhia ia faaohipa i te toto no teie mau ravea rapaauraa. Hoê â huru no te mau vahine hapû. Ia hinaaro oe i te tauturu, a ani i te hoê matahiapo i te numera niuniu a te hoê taeae e ohipa ra i roto i te CLH.
A pata i te VIDEO Tomite tuatiraa e te fare maˈi: E nafea ratou e tauturu mai ai? I muri iho, a ui i te feia e faaroo ra:
E nafea te CLH e tauturu ai ia oe i roto i te hoê tupuraa ru i te pae rapaauraa?
