ORARAA KERISETIANO
Mai te peu e na te hoê tamarii e haere mai i rapae
Mai te peu e na te hoê tamarii e haere mai i rapae, e titauhia ia ani atu tatou ia haere e tii i to ’na na metua no te paraparau ia raua. E faaite te reira e te faatura ra tatou ia raua. (Mas 6:20) Mai te peu e e titau manihini mai teie tamarii ia tomo atu i roto i te fare, eiaha e farii atu. Ia ore te metua e vata, e ho‘i mai ïa tatou i te tahi atu taime.
Mai te peu e mea paari a‘e te tamarii, 15 matahiti anei aore ra 19, mea tano â ia ani atu ia pii i to ’na na metua. Mai te peu e aita to raua e taime, a ani atu e e vaiiho anei to ’na na metua ia ’na ia maiti i ta ’na mau taioraa. Mai te peu e e, e nehenehe ïa tatou e pûpû atu na ’na i te tahi mau papai e peneia‘e e aratai atu i nia i te reni jw.org.
Ia haere tatou e farerei faahou i te hoê taurearea o tei faaite i te anaanatae, e tia ia ani tatou e farerei i to ’na na metua. Ma te na reira, e nehenehe ïa tatou e faaite atu ia raua eaha teie tere to tatou e eaha te mau a‘oraa maitatai itehia i roto i te Bibilia no te mau utuafare. (Sal 119:86, 138) Mea titauhia ia faatura tatou i te mau metua. Ma te na reira, e hi‘oraa maitai ta tatou e horoa ’tu e e farii atoa paha ïa te utuafare i te faaroo i te parau apî oaoa.—Pe1 2:12.