Ua nehenehe o Iesu e poro ma te faanaho-ore-hia i te hoê vahine Samaria no te mea ua haamata oia i te hoê aparauraa e o ’na. E nafea ia aravihi atu â i roto i te haamataraa i te aparauraa e te feia ê?

• Ma te mata ataata, a paraparau i te mau taata. Noa ’tu ua rohirohi Iesu, ua haamata oia i te aparauraa ma te ani atu maa pape noa. E nehenehe ïa oe e haamata ma te aroha ’tu i te taata e i muri iho, e paraparau paha oe no nia i te reva aore ra te tahi ohipa tei tupu mai. A haamana‘o, te fa matamua, ia haamata tatou i te hoê aparauraa. A tauaparau ïa no nia i te tahi tumu parau anaanatae no te taata. Mai te peu aita oia e pahono mai, eiaha e tuu. A tamata i te reira i nia i te tahi atu taata. A ani ia Iehova i te itoito no te na reira.—Ne 2:4; Ohi 4:29.

• A vai ara no te ite i te taime e nehenehe ai oe e paraparau no nia i te parau apî oaoa, eiaha râ e ru. A vaiiho i te aparauraa ia tere maite. Aita ana‘e, eita paha te taata e au i te reira e e eita oia e paraparau faahou. Mai te peu e hope te aparauraa e aita oe i poro atu, eiaha e inoino mai. E mǎta‘u paha oe i te paraparau atu no nia i te parau apî oaoa. A tamata ïa i te aparau i te taata ma te ore e opua i te poro atu. [Pata e aparau no nia i te video 1.]

• A tamata i te aratai i te aparauraa no te horoa i te faaiteraa ma te faahiti i te hoê parau aau tae no nia i to oe faaroo. E hinaaro paha te taata e ite hau atu â. Ua faahiti Iesu i te tahi mau parau tei turai i te vahine ia tuu atu i te tahi mau uiraa. I te taime i faaite ai oia i te parau apî oaoa, ua pahono noa oia i ta ’na mau uiraa. [Pata e aparau no nia i te video 2. I muri iho, a pata e a aparau no nia i te video 3.]