E titauhia ia tamau noa te hoê maona i te faaineine ia ˈna no te upootia i te mau tataˈuraa. O tatou atoa, e tamau tatou i te atuatu e i te faaohipa maitai i to tatou haroˈaroˈa. (Heb 5:14) E nehenehe te huru feruriraa o vetahi ê e ohipa i nia ia tatou. Mea faufaa roa râ ia faaohipa tatou i to tatou iho aravihi i te feruri e ia rave i te faaotiraa no tatou iho. No te aha? E haava te Atua ia tatou tataitahi ia au i ta tatou mau ohipa.—Ro 14:12.

Eiaha e manaˈo e rave tatou i te faaotiraa maitai no te mea mea maoro tatou i roto i te parau mau. No te rave i te faaotiraa paari, mea titauhia ia tiaturi ia Iehova, i te Bibilia e ta ˈna faanahonahoraa.—Ios 1:7, 8; Mas 3:5, 6; Mt 24:45.

A MATAITAI I TE VIDEO “EI MANAˈO HAAVA MAITAI NOA TO OUTOU” E A PAHONO I TEIE MAU UIRAA:

• Eaha te tupuraa ta Emma i farerei?

• No te aha eita e tano ia parau tatou i to tatou iho manaˈo no nia i te hoê faaotiraa aita e aratairaa papu i roto i te Bibilia?

• Eaha te manaˈo î i te paari ta Allan raua Charlotte i horoa ia Emma?

• Ihea Emma i te iteraa i te aratairaa no te rave i te faaotiraa?