I nia i te tuhaa omuaraa o ta tatou reni natirara, ua tuuhia te mau tumu parau e video ia anaanatae te taata e ere i te Ite no Iehova. (Ohi 13:48) E tatara te reira i te tahi mau tumu parau e itehia i roto i te parau apî e ta te taata e uiui nei.

E nafea oe e faaohipa ˈi i te tuhaa omuaraa o te jw.org i roto i te pororaa?

• A hiˈo pinepine i ta tatou reni natirara. A hiˈopoa i te mau tumu parau tei matara apî mai e a feruri e nafea oe e faaohipa ˈi i te reira no te tauturu i te hoê taata. (No te ite faahou mai i te mau mea apî i te omuaraa o te reni, a pata i nia “Hau atu â.”) Ia ite outou eaha te mau tumu parau apî i nia i te reni natirara, e manaˈo apî noa ïa ta outou e faaite i te taata i roto i te pororaa.

• A faaohipa i te mau tumu parau e video o te tuhaa omuaraa no te haamata i te aparauraa. E tauturu te reira ia tatou ia ite eaha ta te taata i roto i te tuhaa fenua e manaˈo ra.

• A faaite i te taata i te tuhaa omuaraa o ta tatou reni. A faaite i te taata i te tahi mau tumu parau taa maitai e e nafea ia faaohipa i ta tatou reni.

• A hapono atu na roto i te tahi ravea natirara. Eita paha vetahi e hinaaro e paraparau ia tatou, e anaanatae râ ratou i te haere i nia i ta tatou reni. Eiaha ïa e taiâ i te faahaere ia ratou i nia i te jw.org e i te hapono atu i te hoê tumu parau aore ra te hoê video na roto i te tahi ravea natirara.